Gba ohun èlò náàNígbàtí Ìgbàgbọ́ Bá Kùnà: Ọjọ́ Mẹ́wàá Nípa Wíwá Ọlọ́run Nínú Òjìji IyèméjìÀpẹrẹ
Nítorí a wà nínú ayé tó ní òdiwọ̀n, a máa ń ṣiyèméjì.
Nítorí a kò ní gbogbo ìdáhùn ní àrọ́wọ́tó, àwọn ìbéèrè ma wá bẹ̀rẹ̀ sí ní jẹyọ:
Kí ni a lè fi Ọlọ́run wé? Báwo ni mo tilè mọ̀ ọ́? Kí ni èrèdí ìgbésí ayé wa? Ipasẹ̀ wo ni kí n tọ̀?
Ní bíi ọrúndún mẹ́rìnlá sẹ́yìn ni ẹnìkan, tí a kò mọ orúkọ rẹ̀, sọ wípé “inú àwọsánmọ̀ àìmọ̀kanin” ni àwa èèyàn wà. Ìdí nìyí tí a fi máa ń ṣiyèméjì. Kìíṣe gbogbo ìgbà là ń rí òfurufú.
Wàyí o, ohun kàn tí a ní láti rántí ni wípé ètò Ọlọ́run ni gbogbo ǹkan wọ̀nyí. Ó mọ̀ọ́mọ̀ mú kí ǹkan rí bẹ́ẹ̀ ni. Onírúurú ìjánu ló ti fi sínú ètò rẹ̀. Ọlọ́run ò j'ayò pa. Ó ti mọ̀ wípé ọ̀pọ̀lọpọ̀ àìmọ̀kan ni á máa kojú ní ìgbésí ayé wa. Síbẹ̀ ó yàn láti mú kí ìtàn àwa ẹ̀dá ènìyàn láti rí báyìí. . . . Nígbàtí Ọlọ́run pinu láti ṣe ìṣẹ̀dá, ó ṣeé ṣe kó gbé e gba ọ̀nà ẹgbẹ̀rún ọ̀tọ̀. Àmọ́ kò ṣe bẹ́ẹ̀. Ó yan ayé yìí. Ó yàn ẹ́. Ó yàn mit. Pẹ̀lú gbogbo kùdìẹ̀ kudiẹ wa. Síbẹ̀, ó pe gbogbo rẹ̀ ní “dáradára.”
Ìtumọ̀ gbogbo èyí ni wípé iyèméjì kìíṣe ǹkan àjèjì.
Wọ́n jẹ́ àbájáde gbígbé nínú ayé yìí.
Iyèméjì tí ò ńṣe kìíṣe nítorí o jẹ́ ènìyàn búburú tàbí nítorí o kò kíyèsí àwọn ǹkan t'ẹ̀mí bíi àwọn ẹlòmíràn. Ó máa ńṣe iyèméjì nítorí o jẹ́ ẹlẹ́ran-ara.
Èyí ṣe pàtàkì, nítorí ọ̀pọ̀lọpọ̀ Krìstẹ́nì rí iyèméjì bíi ẹsẹ̀ tó ní ìrírí tí a kò gbudọ̀ sọ̀rọ̀ nípa rẹ̀. . . .
Ọlọ́run ò ṣẹ̀dá Ádámù àti Éfà pẹ̀lú ojútùú sí àwọn ìdojúkọ tó nípọn nínú ayé. Dípò èyí, ó gbà wọ́n láàyè láti tọ pinpin, ṣe ìwádìí, àti láti kẹ́kọ̀ọ́. Ó gbin ọgbà àjàrà kan níbi tí àwọn ǹkan àràmàndà ti wà ní ìfẹ̀gbẹ́-kẹ̀gbẹ́ pẹ̀lú ìgbàgbọ́. Èyí túmọ̀ sí wípé nígbàkigbà tí a bá ṣe iyèméjì, kìíṣe nítorí a já Ọlọ́run kulẹ̀; ìdí rẹ̀ ni wípé iyèméjì jẹ́ èsì àdáyébá sí àwọn ìdiwọ̀n òye wa. . . .
Ìgbàgbọ́ kìíṣe nípa ìkánilọ́wọ́kò, bíkòṣe nípa àwọn ǹkan tí a lè gbé ṣe. Ìgbàgbọ́ jẹ́ ìsúnmọ́ni nípa ìfẹ̀gbẹ́-kẹ̀gbẹ́ àti ìbáṣepọ̀. Àmọ́ láti dé ipele yìí, nígbà mìíràn a ní láti wó àwọn ìdánilójú wa palẹ̀. Àwọn ìlànà tí a mọ̀ ma di èyí tó ní ìdádúró. Àwọn ìbéèrè wa ma ṣàìní èsì. Àmọ́ ní ipele yìí kan náà, ni a ti máa ní àbápàdé pẹ̀lú Ẹnìkan. Báyìí ni ìrẹ́pọ̀ ṣe máa wá sáyé.
Ìwé mímọ́
Nípa Ìpèsè yìí
Ìlàkàkà pẹ̀lú ìgbàgbọ́ àti iyèméjì jẹ́ ohun tí ó lè jẹ́kí ènìyàn fẹ́ dáwà tàbí kí ó ya ara rẹ̀ sọ́tọ̀ kúrò lọ́dọ̀ àwọn ẹlòmíràn. Àwọn kàn ńdá jìyà láìjẹ́ kí enìkankan mọ̀, àwọn míràn kọ ìgbàgbọ́ sílẹ̀ lápapọ̀, wọ́n rò pé iyèméjì kò ní ìbámu pẹ̀lú ìgbàgbọ́. Dominic Done gbàgbọ́ wípé èyí jẹ́ àsìse àti oun tí ó bani lọ́kàn jẹ́. Ó lo Ìwé mímọ́ àti ìwé ìkẹ́kọ̀ọ́ láti jiyàn wípé bíbèèrè nípa ìgbàgbọ́ bójúmu àti wípé ó sábà máa ńjẹ́ ọ̀nà síhà ìgbàgbọ́ tí ó lọ́rọ̀ àti tí ó lárinrin. Yẹ ìgbàgbọ́ àti iyèméjì wò nínú ètò ọlọ́jọ́ mẹ́wàá yìí.
More
