Gba ohun èlò náàNígbàtí Ìgbàgbọ́ Bá Kùnà: Ọjọ́ Mẹ́wàá Nípa Wíwá Ọlọ́run Nínú Òjìji IyèméjìÀpẹrẹ
Ìpohùnréré jẹ́ igbe láti ọkàn tí ó fọn káàkiri, tó tútù, àti tí ó ńi egbò tí kò jinná. Ó ún yọjú wo ìjìyà, a ṣáa ní ọgbẹ́, a gbáa si ọ̀tún s ósì, ósọ kún, ó sì kígbe tantan fún ìdájọ́. Ìpohùnréré tako ìdáhùn ṣákálá tí kò jinlè, tí a kàn pọn léwé. Ó pè fún ìdánilójú tó yanrantí tí kò sì bẹ̀rù ìbéèrè tí kò ní ìdáhùn.
Ìpohùnréré jẹ́ orin ọkàn tó ń ṣiyèméjì.
Àkókò tí à ń gbé jẹ́ èyítí ìpohùnréré ti ṣubú lu ìgbà tí kò rọrùn. A ò mọ bí a ti ṣe lè dojú kọ ẹ̀dùn ọkàn. A fẹ́ràn láti kọ oun tí à ń là kọjá. A jẹ́ olórí nínú àwọn ìlú tó ń kó oògùn lò fún oun kan tàbí òmíràn. Àfara jọ àti ìtàn ìpọ́njú ma ún da ọkàn wa rú. Eré a mára yá àti idán orí ẹ̀rọ a ma kúni lọ́kàn. Ìtura a máa pa ni bí ọtí. Lẹ́yìn náà, nígbàtí ìpọ́njú bá gbé ìbéèrè líle dé nípa Ọlọ́run àti ìgbé ayé, a máa ń kìí mọ́lẹ̀ tàbí ká dée pa. Ṣùgbọ́n fún ìgbà dí ẹ̀ ló mọ. Bíi odò tí ó ń bì ní èbúté, a lè dá'gunlá, tàbí ká tiraka láti ká ọwọ́ àgbàrá tó ń bọ̀, tàbí kí á kọ́ bí a ti ṣe ń gbé inú omi ńlá.
Ìwé Mímọ́ ṣe àkàwé ọ̀pọ̀lọpọ̀ ìtàn àwọn ọkùnrin àti obìnrin tó ṣe bẹ́ẹ̀ gẹ́gẹ́. Wọ́n rí oun tí ó ń ṣẹlẹ̀ ní àyíká wọn, wọn ò panumọ́ lóríi àìṣòdodo, wọ́n sì ń ké pe Ọlọ́run kí Ó ṣàlàyé ara Rẹ̀. Dáfídì ké lóhùn rara, “Yíò ti pé tó, Olúwa?” (Orin-Dáfídì 13:1). Jeremáyà, nígbàtí ó rí ìpọ́njú, be Ọlọ́run kí Ó dá síi. Jóòbù sọ ìrètí nù. Jákọ́bù ja ìjàkadì. Mósè gba ìpè níjà. Ábúráhámù ṣeiyèméjì. Màríà bèrè ìbéèrè. Jésù sọ kún.
Ìpohùnréré kìí ṣe ìdàkejì ìgbàgbó; ó jẹ́ ohun tí ìgbàgbó dà nígbà tí ó ti fara ro ìpọ́njú. Ìwọ̀n bí ìgbóná ọkàn wa bá ṣe jinlẹ̀ sí ní ìgbàgbó pé Ọlọ́run dára, bẹẹ̀ni ìgbóná ọkàn wa tí a fi ń ẹ̀hónú hàn nígbàtí dídára Ọlọ́run bá fara pamọ́.
Ìdí nìyẹn tí Jésù fi sọ kún ní ibojì ọ̀rẹ́ Rẹ̀.
Kò burú kí á sọ àìlárá wa síta. Kò burú kí kígbe jáde oun tí kò tẹ wa lọ́rùn. Kò burú kí á bínú.
Kò burú tí a kò bá ní ìdáhùn sí ohun gbogbo.
Ọlọ́run ṣì ún sáré tọ wá wá, Ó ún dì mọ́ wa, Ó ún báwa sọkún pẹ̀lú. Lẹ́yìn èyí, pẹ̀lú omijé, a ríi wípé Ẹni ti Ó ún sọkún ní ọwọ́ tó ní àpá. Ara Rẹ̀ kún fún ọgbé. Ojú Rẹ̀ kò ṣeé wò mọ́.
Ó hàn sí wa pé òun náà jẹ́ ìyà.
Ìwé mímọ́
Nípa Ìpèsè yìí
Ìlàkàkà pẹ̀lú ìgbàgbọ́ àti iyèméjì jẹ́ ohun tí ó lè jẹ́kí ènìyàn fẹ́ dáwà tàbí kí ó ya ara rẹ̀ sọ́tọ̀ kúrò lọ́dọ̀ àwọn ẹlòmíràn. Àwọn kàn ńdá jìyà láìjẹ́ kí enìkankan mọ̀, àwọn míràn kọ ìgbàgbọ́ sílẹ̀ lápapọ̀, wọ́n rò pé iyèméjì kò ní ìbámu pẹ̀lú ìgbàgbọ́. Dominic Done gbàgbọ́ wípé èyí jẹ́ àsìse àti oun tí ó bani lọ́kàn jẹ́. Ó lo Ìwé mímọ́ àti ìwé ìkẹ́kọ̀ọ́ láti jiyàn wípé bíbèèrè nípa ìgbàgbọ́ bójúmu àti wípé ó sábà máa ńjẹ́ ọ̀nà síhà ìgbàgbọ́ tí ó lọ́rọ̀ àti tí ó lárinrin. Yẹ ìgbàgbọ́ àti iyèméjì wò nínú ètò ọlọ́jọ́ mẹ́wàá yìí.
More
