Ẹ̀kọ́ Àṣàrò Bíbélì nípa Ìdúpẹ́ Látọwọ́ Paul TrippÀpẹrẹ

Nígbà tí a bá m'ẹ́nu ba ádùrá, kíni ó wá sí ọ lọ́kàn? Nígbà tí o bá gb'àdúrà, kíni ohun tí o fẹ́ l'ọ́wọ́ Ọlọ́run? Àwọn ohun ẹ̀bẹ̀ wo lo má n bèrè nígbà gbogbo?

Ádùrá òtítọ́ máa ń wáyé ní ìkòríta ìjọ̀wọ́ àti ayẹye. Ádùrá ju ìbéèrè l'ọ́wọ́ Ọlọ́run lásán, bíi wípé ò ń retí kí Ó dáhùn gbogbo ìfẹ́ rẹ torí Ó l'ágbára rẹ̀. Irúfẹ́ ádùrá yìí máa ń fi ọ́ s'àárín, á sì mú Ọlọ́run dàbí ìránṣẹ́. Ọlọ́run kọ́ lo fẹ́. Ọgbọ́n Rẹ̀ kọ́ lo fẹ́ rí gbà. Ore-ọ̀fẹ́ Rẹ̀ kọ́ ni ọkàn rẹ ń fẹ́. Ohun tí o fẹ́ ni kí Ọlọ́run fi agbára Rẹ̀ dáhùn gbogbo ẹ̀bẹ̀ rẹ nítorí ìwọ lo mọ ohun tí o fẹ́ l''áyé rẹ, Ọlọ́run sì l'ágbára láti ṣe é.

Irú ádùrá yìí ni wàá gbà nígbà tí o bá gbàgbé wípé Ọlọ́run, Asèdá àti Olùgbàlà, mọ ohun tí o nílò jù ẹ́ lọ. Nítorí ádùrá yìí dá lé lórí àwọn ìfẹ́ àti àìní rẹ, kìí ṣe ádùrá tòótọ́. Nínú ádùrá òtítọ́, wà á jọ̀wọ́ ayé rẹ fún gbogbo ètò àti ìlànà Ọlọ́run tí ó tóbi, tí ó sì ní òye ju tìrẹ lọ. Wà á tẹrí ìfẹ́ rẹ ba sí ti Rẹ̀. Kìí ṣe wípé Ọlọ́run máa dáhùn ẹ̀bẹ̀ rẹ, ìwo lo máa jọ̀wọ́ ayé rẹ fún-un.

Ádùrá á wá jẹ́ ayẹyẹ. Nínú ádùrá, wà á má a ṣe àjoyọ̀ nínú ohun tí ó tùnmọ̀ sí láti jẹ́ ọmọ Baba wa l'ọ́run. Ayọ̀ á kún inú rẹ nítorípé Ó ti yàn láti fún ọ ní ìjọba Rẹ̀. Ó máa jẹ́ ìyàlẹ́nu fún ọ wípé Ó ń fi agbára nlá Rẹ̀ bá gbogbo àìní rẹ pàdé. Wà á ṣe àjoyọ̀ ìdáríjí, ìdáńdé, ìyípadà, ìmúláradá àti ore-ọ̀fẹ́. Wà á rí ayọ̀ nínú wípé Ó ká ẹ́ mọ́ àwọn eni tí ń ṣe iṣẹ́ ìràpadà Rẹ̀. O ní ìrètí ọjọ́ iwájú ológo tí ń bọ̀. Nítorí wípé Immanuẹli ti fi ore-ọ̀fẹ́ Rẹ̀ fún ọ, yóò wà pẹ̀lú rẹ títí ayé àìnípẹ̀kun. Èyí fún ọ ní àláfíà, wípé ore-ọ̀fẹ́ yìí túnmọ̀ sí wípé a kò fi ọ́ sílẹ̀ pẹ̀lú ọgbọ̀n, agbára àti ìwa-mímọ́ rẹ. O jíròrò lórí ógo àti ire Ọlọ́run, ọ sì yọ̀. O kò ní láti má a wá ìyè nínú àwọn ìṣẹ̀lẹ̀, ènìyàn tàbí àyíká rẹ nítorípé a ti fún ọ ní ìfẹ́ - ìyè àìnípẹ̀kun.

Ǹjé ádùrá òtítọ́ á a fi àyè gba ìbéèrè ẹ̀bẹ̀ l'ọ́wọ́ Ọlọ́run bí? Bẹ́ẹ̀ni. Ọlọ́run fún ra Rẹ̀ gbà wá níyànjú láti kó gbogbo àníyàn wa lé òhun, nítorí ó tọ́ju wa. Àmọ́ gbogbo ìjírẹ̀bẹ̀ ádùrá òtítọ́ máa wáyé nínú ìjọ̀wọ́ àti ayẹye. Èyí ni ó máa yọ ìkùnsínú àti ìbéèrè ìmọ̀ t'ara eni nìkan kúrò nínú ẹ̀bẹ̀ wa. Irú ádùrá yìí ni ohun èlò ore-ọ̀fẹ́ Ọlọ́run nínú ayé rẹ. Nígbà tí o bá fi Ọlọ́run sí àyè Rẹ̀, tí o sì ń yọ̀ ní ipò rẹ gẹ́gẹ́ bíi ọmọ Rẹ̀, ádùrá á jẹ́ ohun èlò tí Ọlọ́run á fi tú ọ sílẹ̀ nínú ìgbèkùn ara rẹ. Èyí ni ore-ọ̀fẹ́!