Ẹ̀kọ́ Àṣàrò Bíbélì nípa Ìdúpẹ́ Látọwọ́ Paul TrippÀpẹrẹ

Gbogbo wa ni a máa ńṣe é, ó sì ṣeé ṣe kójẹ́ l'ójojúmọ́. A kò ní òye pé à ńṣe é, bẹ́ẹ̀ sì ni ó ní ipa ńlá tí ó ń kó lórí bí a ṣe rí ara wa ati bí a ṣe ń fèsì fún àwọn ẹlòmíràn. O jẹ́ ọ̀kan gbòógì nínú àwọn ìdí tí wàhálà ma fi ń wà nínú àjọṣepọ̀ pàápàá nínú ilé Ọlọ́run. Kíni ohun tí a máa ń sábà ṣe yi tí o máa ń fà ìpalára báyìí? Èyí tí a sì máa ń gbàgbé.

Nínú hílàhílo àti ìmọtaraẹninìkan ayé wa, ó jẹ́ ìbànújẹ́ ọkàn pé a máa ń gbàgbé bí àánú tí bùkún tí ó sì tún ṣe ìmúbọ̀sípò tó nípọn nínú ayée wa. Òtítọ́ pé Ọlọ́run ti bùkún-un wa pẹ̀lú ojú rere Rẹ̀ nígbà tí ó jẹ́ ìbínú Rẹ̀ ló tọ́ sìwa máa ń tètè kúrò ní ìrántí wa bíi orin tí a mọ̀ tẹ́lẹ̀ rí tí a ko si rántí mọ́. Òtítọ́ ni wípé ni àràárọ̀ ni àánú ọ̀tún máa ń yọ kí wá kì í ṣe ohun tí ó ń mú wá l'ọkàn bí a ti ń sa sókè sódò ni ìpalẹ̀mọ́ fún ọjọ́ wa. Bí a bá ti forí lélẹ̀ ni opin ọjọ́ fún oorun tí a nílò lọ́pọ̀lọpọ̀, ọ̀pọ̀ ìgbà ni a máa ń kùnà láti bójú w'ẹ̀hìn wo ọ̀gọọ̀ọrọ̀ àánú tí ó ti ọwọ́ Ọlọ́run kán s'orí ayé kékeré wa. Ọ̀pọ̀lọpọ̀ ìgbà ni a kìí fi àyè sílè láti jókòó ṣ'àṣàrò l'óríi bí ayé wa ìbá ti rí tí a kò bá kọ àánú Olùgbàlà sínú ìtan ayé wa. O bá ní lọ́kàn jẹ́ pé, ọ̀pọ̀lọpọ̀ ìgbà ni a máa ń jé ẹni tí ń gbàgbé àánú. Gbígbàgbé àánú lewu nítorí wípé ó máa ń ṣe àpèjúwe bí a ti ń ronú nípa ara wa àti nípa ẹlòmíì.

Bí ó bá rántí àánú, óò rántí pẹ̀lú wípé ó kò ṣe ohunkóhun láti j'ogún ohun tí àánú tí fi bùkún fún ọ. Bí ó bá rántí àánú, ó máa ní ìrẹ̀lẹ̀, èmi ìdúpẹ́, ó sì máa tútù. Bí ó bá rántí àánú, kíkùn a yẹra fún ẹ̀mí ìmoore àti pe ìmọtaraẹni nìkan a yẹra fún ìjọ́sìn. Ṣùgbọ́n bí ó bá gbàgbé àánú, óò fi ìgbéraga sọ fún ara rẹ pé ohun tí ó lépa ló tẹ̀ ọ lọ́wọ́. Bí ó bá gbàgbé àánú, ó má máa gba ìyìn fún ohun tí àánú nìkan lè ṣe. Bi o bá gbàgbé àánú, ó sọ ara rẹ di olódodo àti ẹni yíyẹ, óò sì máa gbé ilé ayé bíi wípé ìwọ ni ó tọ si àti bí apàṣẹ wàá.

Bí ó bá gbàgbé àánú, tí ó sì ro wípé ó ní àmúyẹ, ó máa rọrùn fún ọ láti má lè na ọwọ́ àánú sí àwọn ẹlòmíràn. Ní ìgbéraga, ó lérò wípé ohun tí ó tọ́ sì wọn ní wón ń rí gbà gẹ́gẹ́ bí ìwọ náà tí ń gba ohùn tí ó tọ́ sì ọ. Ọkàn ìgbéraga rẹ kò tútù, nítorí náà o máa ń ṣòro kí ọ̀ràn ẹlòmíì tó mì ọ. Ó ń gbàgbé pé fífarajọ ni ó fara jọ arákùnrin rẹ tí ó wà nínú àìní, ní kíkúnná láti gba wípé kò sí ọkàn nínú yín tí ó dúró nínú àmúyẹ níwájú Ọlọ́run. Ìrẹ̀lẹ̀ ni erùpẹ̀ tí àánú fún ẹlòmíràn ń lo láti dàgbà. Èmi ìmoore fún àánú tí a fífún wá jẹ́ ìwúrí fun àánú púpọ̀ síi. Paulu wipe, “ Ẹ máa ṣoore fún ara yín, ẹ ní ojú àánú; kí ẹ sì máa dáríjì ara yín, gẹ́gẹ́ bí Ọlọrun ti dáríjì yín nípasẹ̀ Kristi.” (Ìwé Éfésù orí kẹ́rin ẹsẹ̀ kéjìlélọ́gbọ̀n ).