Ẹ̀kọ́ Àṣàrò Bíbélì nípa Ìdúpẹ́ Látọwọ́ Paul TrippÀpẹrẹ

Ẹ̀ṣẹ̀ máa ń ṣe oun méjì pàtó fún gbogbo wa. Àkọ́kọ́, ó máa jẹ́ kí a fi ara wa sí àárín ìgbésí ayé wa, kí ó baà lè dà bíi wípé oun gbogbo wà fún wa. Èyí á jẹ́ kí a máa ronú àwọn ìfẹ wa, àwọn àìní wa, àwọn ìkùnsínú wa, èyí tí á jẹ́ kí a rí àwọn oun tí a kò ní dípò àwọn oun tí a ti fún wa. Èyí náà yí ó sì mú wa máa fi ara wa wé àwọn ẹlòmíràn, fífi àwọn ohun tí a ní wé ohun tí àwọn ẹlòmíràn ní. Ayé ainitelorun àti owú ni. Owú á sì máa mọ t'ara rẹ̀ nikan nígbà gbogbo.

Ohun kejì tí ó dà bíi rẹ̀ tí ẹ̀ṣẹ̀ máa ń ṣe fún wa ni wípé á jẹ́ kí a máa wo àwọn ǹkan lódì lódì. Nítorí náà, a máa máa wo ìṣẹ̀dá fún ìrètí, ìyè, àláfíà, ìsinmi, ìtẹ́lọ́rùn, ìdánimọ̀, ìtunmọ̀, ìdí àti ìwúrí láti tẹ̀síwájú. Ìṣòro ibè ni wípé ìṣẹ̀dá kò lè fún ọ ní àwọn ǹkan wọ̀nyí. A kò dá ìṣẹ̀dá láti tẹ́ ọkàn rẹ lọ́rùn. Ìṣẹ̀dá yẹ kí ó tàn ọ́ lọ́nà sí Ẹni kan ṣoṣo tí ó lè tẹ́ ọkàn rẹ lọ́rùn. Ọ̀pọ̀lọpọ̀ ènìyàn ni á jí lónìí tí wọ́n à sì béèrè lọ́wọ́ ìṣẹ̀dá fún ìgbàlà, ohun tí Ọlọ́run nìkan lè fún ni.

“Ta ni mo ní lọ́run lẹ́yìn rẹ? Kò sì sí ohun kan tí ó wù mí láyé yìí bíkòṣe ìwọ.  Àárẹ̀ lè mú ara ati ẹ̀mí mi, ṣugbọn Ọlọrun ni agbára ẹ̀mí mi, ati ìpín mi títí lae.” (Orin Dáfídì 73:25–26). Èyí ni àwọn ọ̀rọ̀ eni tí ó ti mo àṣírí ìtẹ́lọ́rùn. Nígbà tí o bá wà ní ìtẹ́lọ́rùn pẹ̀lú Afifunni, nítorí o ti rí ìyè tí ò ń wá nínú Rẹ̀, o di òmìnira kúrò lọ́wọ́ ìwádìí apanirun ti ọ̀pọ̀lọpọ̀ ń wá lónìí. Bẹ́ẹ̀ni, òtítọ́ ni wípé ọkàn rẹ yíò sinmi nígbà tí o bá rí isinmi nínú Rẹ̀.

Èyí ni ọ̀kan l'ára àwọn èso ore-ọ̀fẹ́ tí ó l'ẹ́wà jù lọ - ọkàn tí ó ní ìtẹ́lọ́rùn, tí ó ń sìn jù bibeere, tí ó ní ayọ̀ ìm'oore ju àníyàn. Ore-ọ̀fẹ́ nìkan ló lè mú irú ayé àláfíà yí wáyé fún ọ̀kànkan wa. Ǹjẹ́ o kò ní gba ore-ọ̀fẹ́ yìí lónìí?