Ẹ̀kọ́ Àṣàrò Bíbélì nípa Ìdúpẹ́ Látọwọ́ Paul TrippÀpẹrẹ

Ẹ̀mí àti ìwọ nílò láti sọ ọ́ fún ara wa léraléra. A nílò láti wo inú dígí kí a sì ṣe ìjẹ́wọ́ rẹ̀ gẹ́gẹ́bí ojúṣe àràárọ̀ wa. Ohun tí a ní láti sọ nìyí: “N kò tíì kẹ́kọ̀ọ́ gboyè ní ilé-ẹ̀kọ́-gíga ti ore-ọ̀fẹ́.” Ó máa ń rọrùn fúnwa láti ṣe àwáwí ìṣòdodo asán wa:

“Ìfẹ́kúùfẹ́ kọ́ni ìyẹn. Mo kàn ń mọ rírì ẹwàa rẹ̀ ni."

“Ọ̀rọ̀ ẹ̀yìn kọ́ nìyẹn o. Mo kàn ní kí n ṣe àlàyé kókó àdúrà náà síwájú síi ni.”

“Inú kò bí mi sí àwọn ọmọ mi. Mo kàn ń ṣiṣẹ́ wòlíì ni. ‘Báyìí ni lolúwa wí . . .’”

“Kìí ṣe wípé agbára ń gùn mí. Rárá, mo kàn ń lo àwọn àmúyẹ adarí tí Ọlọ́run fi fúnmi ni.”

“Èmi kìí ṣe ìkà ẹ̀dá bẹ́ẹ̀ni n kò ní ahun. Mo kàn ń gbìyànjú láti jẹ́ ọmọ-ọ̀dọ̀ rere nípa ríràgàbò ohun ìní tí Ọlọ́run fúnmi ni.”

“Mi ò dẹ̀ wá gbéra-ga o. Mo kàn wòye wípé ẹnìkan ní láti ṣe agbátẹrù ìtàkùrọ̀sọ náà ni.”

“kìí ṣe irọ́ taratara ni ǹkan tí mo sọ. Mo kàn gba ọ̀nà àrà gbé ọ̀rọ̀ náà kalẹ̀ ni.”

Ó fẹ́rẹ̀ lè jẹ́ gbogbo wa ló ma ń rò wípé a mọ́ ju bí a ti rí lọ. Kìí yá wa lára láti gbà wípé a sì nílò ore-ọ̀fẹ̀ Ọlọ́run láti gbà wá. Bẹ́ẹ̀ni a kìí fẹ́ gbà wípé a nílò láti gba oníkálukú kúrò lọ́wọ́ ogun ara ẹni! Nígbà tí o bá ńṣe àwáwí fún ìṣòdodo asán rẹ, ní ìgbìyànjú láti bo ẹ̀ṣẹ̀ rẹ mọ́lẹ̀, nípasẹ̀ èyí o ti kùnà láti ṣe àwárí ore-ọ̀fẹ́ ńlá èyí tí í ṣe ìrètí kan ṣoṣo tí o ní. Ẹlẹ́ṣẹ̀ nìkan ni ó lè mọ rírì ore-ọ̀fẹ́. Àwọn òtòṣì nìkan ló lè mọ rírì àwọn ìṣúra ọrọ̀ ire Ọlọ́run.

Àwọn tó mọ rírì ìwòsàn ti ẹ̀mí látọwọ́ Olùwòsàn Ńláa nì àwọn tó sì gbà wípé àwọn ń jìjàkadì pẹ̀lú àìsàn tẹ̀mí - ẹ̀ṣẹ̀. Ǹkan tó máa ń bomi ọgbẹ́ sí Ọlọ́run lọ́kàn ni nígbà tí a bá ké halleluyah lọ́jọ́ ìjọsìn tí a sì wá kọ ore-ọ̀fẹ́ ṣílẹ̀ láàárín ọ̀sẹ̀. Kojú òtítọ́ náà lónìí wípé o kò tíì dàgbà ju ẹni tí ń nílò ore-ọ̀fẹ́ lọ, kò sí bí o ti ní ìmọ̀ sí tàbí dàgbà tó, títí di ọjọ́ tí ìwọ yóò sọdá sí òdì-kejì níbi tí kò ti sí làálàá, nítorí a óò mú ẹ̀ṣẹ̀ wá sópin (wo Fílípì 3:12–16). Ọ̀nà tí a fi lè yọ̀ nínú ore-ọ̀fẹ́ tí Ọlọ́run fi fúnwa ni láti gbà wípé a nílòo rẹ̀ gidi.