Òùngbẹ Èmí

O ti ṣe é! O ti tẹ̀síwájú nínú iṣẹ́ kárakára láti tú ara re nù l'ọ́wọ́ ohun gbogbo tí ì bá dí ẹ l'ọ́wọ́ láti gba ohun gbogbo tí Ọlọ́run ní fún ẹ. Láti ọjọ́ méje sẹ́yìn, o ti tẹrí ara re ba, o ti yẹ ara re wò, o sí ti mú àwọn ohun tí ó n tẹ́ ara lọ́rùn kúrò. Kò dẹrùn, àmọ́ ó ní ànfàní.

Fún àwọn ọjọ́ méje tí ó n bọ̀, a máa yi ọkàn wa sí ìkúnnù ti Ẹ̀mí Mímọ́. Ẹ̀kúnrẹ́rẹ́ Ọlọ́run ti ṣe tán láti kún ààyè tí a ti dá nínú ayé wa. Àwọn àyípadà tí a kò rò tẹ́lẹ̀ mbọ̀ sínú ayé rẹ. Gbàradì fún ayé ìyípadà.

Nínú Jòhánù 4:13-14, a ṣàlàyé òùngbẹ èmí. Àwọn ohun ayé yìí - omi tí Jésù kọ́kọ́ ṣe ìtọ́ka sí - yíò tán òùngbẹ wa, àmọ́ fún àkókò díẹ̀ ni, òùngbẹ á túnbọ̀ gbé wá. Ó tẹ̀síwájú láti sọ nípa omi tí kò ní jẹ́ kí òùngbẹ gbe wá mọ́. Omi yìí ni Èmí Mímọ́. Èyí ni omi tí ó yẹ kí a fẹ́.

Nínú Jòhánù 7:37-39, Jésù tẹ̀síwájú èyí nígbà tí Ó sọ wí pé, “Bí òùngbẹ bá ń gbẹ ẹnìkẹ́ni, kí ó wá kí ó mu.” Láti gba Ẹ̀mí, omi ayérayé yìí, a ní lò láti gba Jésù, kí a sì gbàgbọ́ nínú ohun tí Ó ti sọ fún wa nínú Ọ̀rọ̀ Ọlọ́run.

Kò ye kí a kọ̀ máa ṣe àwọn iṣẹ́ lásán. Ó yẹ kí a pòngbẹ fún omi ìyè titun tí Ẹ̀mí Mímọ́ nìkan lè ṣ'ètò.