Fífi Ayé Àdánù Sílẹ̀

A gbà wá níyànjú láti gbé ìgbésí ayé wa ní ìṣọra kí ó má jẹ́ ayé àdánù. Ìgbésí ayé àdánù jẹ́ ìgbésí ayé tí a gbé láti fi ògo fún ara wa, àwọn ìfẹ́ wa, àti àwọn èrò wa láì sì fi ìdí Ọlọ́run ṣe. Ìgbésí ayé ìṣọ́ra jẹ́ ìgbésí ayé tí a gbé láti yin Ọlọ́run lógo, láti jẹ́ ohun tí Ó fẹ́, láti ṣe ìfẹ́ Rẹ̀, àti láti rí ìmúṣẹ ìpinnu Rẹ̀ nínú ìgbésí ayé wa.

Nígbà tí a bá kún fún Ẹ̀mí, ìgbésí ayé wa yóò hàn gbangba sí ẹnikẹ́ni tí ó bá ṣe àkíyèsí wí pé ó yàtọ̀. Nígbà tí a kò bá gbé ayé wa lórí ọgbọ́n ènìyàn tí ó ní òpin, àti ayé àdánù tí ènìyàn, ó hàn gbangba fún gbogbo ènìyàn pé a gbẹ́ ní ọ̀nà tí ó yàtọ̀ sí gbogbo ènìyàn mìíràn.

Ẹ́fẹ́sù 5:5-18 fún wa ní ọ̀pọ̀ nǹkan láti ronú lé lórí. Ó ń sọ̀rọ̀ òdì kejì nípa “àwọn iṣẹ́ òkùnkùn tí kò ní èso” ó sì gbà wá níyànjú pé kí a wá ohun tí inú Ọlọ́run dùn sí ká sì máa lépa rẹ̀. Kíni o rò pé ó wu Olúwa ní ìgbésí ayé rẹ? Ṣé o ń lépa rẹ̀ tọkàntọkàn?

1 Jòhánù 2:16 tèsíwájú láti sọ pé àwọn ìfẹ́ ti ayé kìí ṣe láti ọ̀dọ̀ Ọlọ́run. Tí a bá mọ èyí, kílódé tí a fí tèsíwájú láti lépa wọn? Kíni ìdí tí a fi n tèsíwájú láti fi wọ́n sí ààyè pàtàkì jù ohun tí a mọ̀ tí ó wù Ọlọ́run?

Láti bẹ̀rẹ̀ síí mú ìwà ayé àdánù kúrò, a ní láti bẹ Ọlọ́run pé kí ó ràn wá lọ́wọ́ láti dẹ́kun gbígbé ìgbésí ayé asán. A nílò kí ó ṣ'àfihàn àwọn ohun tí ó jẹ́ ti Ọlọ́run àti àwọn ohun rere lásán, nítorí àwọn ohun kán wà tí a rí bí ohun tí ó dára, tí kìí ṣe ẹ̀ṣẹ̀ dandan, ṣùgbọ́n wọ́n kò wúlò, nítorí wọ́n kìí ṣe ìpinnu Ọlọ́run nínú ìgbésí ayé wa.