Gbígbé nínú ìfẹ́ Ọlọ́run

Lánàá, a béèrè l'ọ́wọ́ Ọlọ́run wí pé kí Ó bù sí ìfẹ́ wa fún-Un àti àwọn ẹlòmíràn. Lónìí, a máa kọ́ bí a ṣe lè gbé nínú ìfẹ́ ọ̀pọ̀ yìí.

Láti gbé túnmọ̀ sí ibùdó ni ibi kan, bíi ìgbà tí a bá wà nínú ilé wa. Ibẹ̀ ni à n dúró sí. Gbígbé nínú ìfẹ́ túnmọ̀ sí wí pé a dúró nínú ìfẹ́ Nígbà tí a bá rí wa, nínú ìfẹ́ ni a máa wà, tí a bá gbé nínú ìfẹ́. Ẹsẹ̀ kíkà wa nínú orí kẹrìndínlógun ìwé Ìhìnrere ti Jòhánù fi ọ̀pọ̀lọpọ̀ òtítọ́ tí ó l'ágbára hàn wá, èyí tí a máa rí nígbà tí a bá gbé nínú ìfẹ́.

Jòhánù 15:7-9 sọ nípa agbára tí ó wà nínú gbígbé nínú ìfẹ́ Ọlọ́run. Ó sọ wí pé nígbà tí a bá gbé nínú Rẹ, tí Ọ̀rọ̀ Rẹ̀ sì gbé nínú wa, a lè béèrè ohunkóhun tí ó bá wùn wà, a o sì fi fún wa. Ó ṣe èyí fún ògo Rẹ̀! Ó fẹ́ràn láti rí pé àwọn ọmọ Rẹ̀ ṣe oríire gẹ́gẹ́ bíi ìjẹ́rìí agbára, ore-ọ̀fẹ́ àti àánù Rẹ̀.

Nínú Jòhánù 15:26, ó sọ nípa iṣẹ́ Èmí Mímọ́. Nípa àwọn ìkùnà àti kùdìẹ̀ kùdìẹ̀ wa, Èmí Mímọ́ n jẹ́rí sí oore Ọlọ́run. Nípa ìmúsípípé wa láti ọwọ́ Ọlọ́run, àti ìtẹ́wọ́gbà wa nígbà tí a sì jẹ́ aláìpe, à n fi ògo fún-Un.

Nígbà tí a bá gbé nínú ìfẹ́ Rẹ̀, Èmí Mímọ́ á jẹ́ alàbárìn wa, yíó sì kún inú wa ní àkúnwọ́sílè. Kí a tó mọ̀, ìfẹ́ Ọlọ́run á ṣiṣẹ́ nínú wa àti nípasẹ̀ wa títí tí àwọn ohun tí ó n kọ́ wa l'ẹ́sẹ̀, tí ó n fà wá sẹ́yìn, tí ó n mú wa kóríra, ò lè ṣe ohunkóhun mọ́. Á máa di asẹ́gun nígbà tí a bá gbé nínú ìfẹ́.