Iná Ọ̀tun

Láì bìkítà onírúurú ìjọ, ìrìbọmi ti Ẹ̀mí Mímọ́ wà fún gbogbo àwọn onìgbàgbọ́.

Àti, pẹ̀lúpẹ̀lú, ìrìbọmi s'ínú Ẹ̀mí Mímọ́ jẹ́ tìrẹ báyìí. Ó n fẹ́ kí o kún fún iná Rẹ̀. Ó fẹ́ sọ ẹ́ di alágbára nípa sẹ̀ ìwàláàyè Rẹ̀ tí ni ṣ'iṣẹ́ nínú rẹ àti nípasẹ̀ rẹ.

Ṣé o gbàgbọ́ pé Ó fẹ́ fi Ẹ̀mí Rẹ̀ kún ọ? Ṣe o gbàgbọ́ pé Ó fẹ́ làti fi iná titun kún ọ?

Ní inú ìwé Ìṣe Àwọn Àpóstélì 2:1-4, a ríi pé Ẹ̀mí Mímọ́ fi ara Rẹ̀ hàn ní àárín ìjọ bí wọ́n ti bẹ̀rẹ̀ sí sọ ọ̀rọ̀ ní èdè míràn.

Nínú Ìṣe Àwọn Àpóstélì 4:1-8, a rí Pétérù, mọ́ Jòhánù, tí a fi sẹ́wọ̀n mọ́jú, tí a sì bi l'ẹ́jọ́ níwájú Ánásì, olórí àlùfáà, àti ìdílé rẹ̀. Nígbà tí ó d'ojú kọ ipò ìṣòro yìí, ó sọ pé Pétérù kún fún Èmí Mímọ́!

Ká ní pé Ọlọ́run fẹ́ kún wa fún Ẹ̀mí Mímọ́ láti fi ògo Rẹ̀ hàn láàárin àwọn àkókò líle wa, ṣùgbọ́n a kò ṣí síi? Kí ni o nílò láti yí padà nínú ìgbésí ayé àti ọkàn rẹ láti ṣí ilẹ̀kùn fún iná titun ti Ẹ̀mí Mímọ́?

Ní Matiu 3: 11-17, ṣáájú kí ó tó sọ ìtàn ti ìrìbọmi Jésù nípasẹ̀ Jòhánù Onítẹ̀bọmi, Jòhánù s'ọ̀rọ̀ nípa ìrìbọmi tí ó lágbára jùlọ. Kì í ṣe ti omi, bí kò ṣe ti iná. Kìí ṣe nípa ọwọ́ rẹ̀, ṣùgbọ́n nípa ọwọ́ ti Ẹ̀mí Mímọ́.

Ìgbàgbọ́ kannáà tí ó gbà fún ọ láti di àtúnbí ni ìgbàgbọ́ kannáà tí yóò gbà láti kún ọ fún Ẹ̀mí Mímọ́. Olúwa n fẹ́ láti baptísì rẹ pẹlu Ẹ̀mí Mímọ́ àti iná Rẹ̀!