Ìtanijẹ̀

Ohun tí ó kàn fún wa láti gbá jáde nínú ayé wa fún ìgbésí ayé tó ní ẹ̀kúnrẹ́rẹ́ Ẹ̀mí ni ìtànjẹ ọ̀tá.

Nínú Jòhánù 8:44, ó pe èṣù ní onírọ́. Àmọ́ kìí wá ṣe onírọ́ lásán – ó pèé ní baba gbogbo irọ́. Oyè yí fẹ́ lágbára díẹ̀ àti wípé kìí ṣe èyí tí a lè fún ẹnikẹ́ni. Ọ̀tá wa jẹ́ ọ̀gá ìtànjẹ. Níní ìmọ̀ nípa èyí gbọ́dọ̀ ru wá sókè láti gbé ìgbésẹ̀ fún ìpamọ́ kúrò nínú gbogbo ìtànjẹ tí ó dà sínú ayé.

Nínú Gálátíà 6:7-8, Pọ́ọ̀lù sọ fún ìjọ wípé kí wọ́n má ṣe fi ààyè sílẹ̀ fún ìtànjẹ. Ní àkókò yẹn, àti pàápàá nísinsìnyí, ọ̀tá ń ṣiṣẹ́ láti fọ́po-mọ́yọ̀ Ọ̀rọ̀ Ọlọ́run, tí ó sì ń dàárú mọ́ àwọn ọmọ Ọlọ́run l'ójú, àti ṣíṣì wọ́n lọ́nà nípa ìwà híhù. A kò lè gba ara wa láàyè láti di ẹran ìjẹ fún ìtànjẹ ńlá yìí.

Dípò èyí, a ní láti ri ara wa sínú òtítọ́ Ọ̀rọ̀ Ọlọ́run. Nígbà tí a bá ṣe èyí, a máa borí gbogbo ìtànjẹ ọ̀tá àti wípé yóò wá rọrùn láti máa tẹ̀síwájú nínú ìfẹ́ Ọlọ́run láì kọsẹ̀.