Àwọn Ohun Tí Ó Lè Pín Ọkàn Ẹni Níyà

Lónìí, a gbájú mọ́ dídá ara wa nídè kúrò nínú àwọn ohun tó ń pín ọkàn níyà tí ayé yìí ń mú wá ní ọ̀pọ̀ yanturu. A kò lè tẹ̀lé Ọlọ́run àti ìfẹ́ Rẹ̀ ní kíkún fún ìgbésí ayé wa, ká sì ní ìgbé ayé tí ó kún fún Ẹ̀mí bí a bá ń di ẹni tí kò lè f'ojú sùn nígbà gbogbo.

Nínú Fílípì 4:8, Pọ́ọ̀lù fún ìjọ tó wà ní Fílípì ní ìtọ́ni nípa ohun tó yẹ kí wọ́n máa ronú lé lórí. Bó tilẹ̀ jẹ́ pé ohun tí ó fẹ́ kí ìjọ máa gbé yẹ̀ wò nínú àyọkà yìí nìkan ni àyọkà yìi m'ẹnu bà, ó tún lè jẹ́ ká mọ àwọn ohun tí kò sí nínú àyọkà náà. Ìdààmú ọkàn, àníyàn, ìbẹ̀rù, àti àníyàn kò sí níbì kankan nínú àkọsílẹ̀ Pọ́ọ̀lù. Kàkà bẹ́ẹ̀, ó sọ pé kí wọ́n máa ronú nípa àwọn ohun tó jẹ́ òótọ́, tó níye lórí, tó mọ́, tó fani mọ́ra, tó yẹ fún ìyìn àti ohun tó tọ́. Tá a bá ń ṣe bẹ́ẹ̀, a óò túbọ̀ máa ronú l'ọ́nà tó bá ìfẹ́ Ọlọ́run mu, a ò sì ní jẹ́ kí ohunkóhun pín ọkàn wa níyà.

Nínú Jòhánù 17:17, a rí i tí Jésù ń gbàdúrà fún àwọn ọmọ-ẹ̀yìn Rẹ̀. Ó ní kí Ọlọ́run sọ wọ́n di mímọ́ nípasẹ̀ òtítọ́ Rẹ̀. Kí ló sì pè ní òtítọ́ Ọlọ́run? Ọ̀rọ̀ Rẹ̀. Èyí jẹ́ kí a l'óye ohun tí Pọ́ọ̀lù ní l'ọ́kàn nígbà tó sọ fún ìjọ tó wà ní Fílípì pé kí wọ́n máa ronú nípa ohun tó jẹ́ òótọ́.

Ó yẹ kí a máa ronú lórí òtítọ́ Ọ̀rọ̀ Ọlọ́run. Tí a bá fi èyí s'ípò àkọ́kọ́ nínú ìgbésí ayé wa, àwọn nǹkan ayé yìí kò ní tètè pín ọkàn wa níyà. Èyí jẹ́ ìgbésẹ̀ pàtàkì nínú gbígbé ìgbésí ayé tí ó kún fún Ẹ̀mí àti àkúnwọ́sílẹ̀