Aanbidding: 'n Studie in PsalmsVoorbeeld

Wat staan daar geskrywe?

Israel het gebid dat hulle weermag suksesvol sou wees. Daarna het Dawid gejuig oor die oorwinnings, seëninge, teenwoordigheid en liefde van die Here, terwyl hy God geprys het omdat Hy hulle die krag gegee het.

Wat beteken dit?

Voordat Dawid sy weermag in die geveg gelei het, het hy hulle in gebed voorgegaan. Sy woorde het getoon hoe hy 'n fisieke geveg in die geestelike realm benader het. Hy was wys om te erken dat die vaandels wat vooraan Israel se weermag gewapper het nie sy grootsheid verteenwoordig het nie, maar hulle God s'n. Hulle voordeel in die geveg was direk aan die Naam van die Here verbind, en nie die aantal perde of strydwaens nie. Dawid se geloof was beloon met God se beskermende teenwoordigheid. Die Here was verhoog, beide in Israel en onder hulle vyande.

Hoe behoort ek te reageer?

Die lewe se uitdagings is soortgelyk aan gevegte. Soms voel jy dalk dat jy gevegte op verskeie fronte veg. As volgelinge van Christus dink ons dat God aan ons kant behoort te wees en ons behoort te help om sukses te behaal. Die eintlike vraag is eerder of ons aan sy kant is of nie. As jy wil hê dat jou planne moet slaag, bring jou hartsbegeertes in lyn met die wil van God. Hy sal altyd diegene ondersteun wat op sy Naam vertrou en vas staan op sy Woord. Die ander oorweging is of jy die geveg slegs fisiek veg of nie. Dink aan 'n huidige of onlangse uitdaging. Het jy daaroor gebid? Was jy meer besorg oor hoe die kwessie jou sou raak as oor hoe God daardeur geëer kon word? Voordat jy die volgende probleem aanpak, onthou dat jy die geveg slegs kan wen as jy eers op jou knieë gaan.