Oswald Chambers: Kagalakan - Kalakasan sa PanginoonHalimbawa

Salamat sa Diyos, ang kagalakan ng Panginoon ay isang tunay na karanasan na ngayon, at ito ay higit pa sa anumang karanasang may kamalayan, sapagkat ang kagalakan ng Panginoon ay nagdadala sa atin sa kamalayan ng Diyos, at ang karangalang nakataya sa ating katawan ay ang karangalan ng Diyos. Napagtanto na ba natin na ang Anak ng Diyos ay nabuo sa atin sa pamamagitan ng Kanyang kahanga-hangang Pagtubos sa Kasalanan? Ito ang kaluwalhatian ng mga banal dito at ngayon—ang kaluwalhatian ng tunay na kabanalang naipapahayag sa tunay na buhay.

Ang Makapangyarihang Diyos ang naging pinakamahina sa Kanyang nilikha, isang Sanggol. Ang isang banal na ganap na ang gulang ay tulad ng isang bata, payak at may kagalakan. Patuloy mong ibuhay ang buhay na nais ng Diyos na isabuhay mo at babata ka sa halip na tatanda. May mararanasan kang kamangha-manghang sigla kapag hinayaan mong ang Diyos ang Siyang masunod sa buhay mo. Kapag ang pakiramdam mo ay parang napakatanda mo na, mabuhay kang muli at gumawa ka pa nang higit sa rito.

Mga Katanungang Pagmumuni-munian: May mga gawi ba akong nagpapanatili sa kabanalan ni Cristo? Sa anu-anong paraan nahuhubog ang Diyos sa akin? Pumapayag ba akong maging mahina upang muling makamit ang kagalakang tulad ng sa isang bata?

Ang mga sipi ay nagmula sa "The Psychology of Redemption", © Discovery House Publishers