Oswald Chambers: Kagalakan - Kalakasan sa PanginoonHalimbawa

Si Jesu-Cristo ay hindi lamang Tagapagligtas, Siya ay Hari, at may karapatan Siyang kumuha ng anumang bagay at ng lahat ng bagay mula sa atin ayon sa sarili Niyang kapasyahan. Pinag-uusapan natin ang tungkol sa kagalakan at kaginhawaang dulot ng kaligtasan; Ipinapahayag ni Jesu-Cristo ang tungkol sa pagdadala ng krus at ang pagsunod sa Kanya. Iilan sa atin ang nakakaalam tungkol sa katapatan kay Jesu-Cristo. Tinitingnan natin si Jesu-Cristo bilang pinakamabuting Halimbawa sa ating buhay Cristiano; hindi natin naiisip Siya bilang Makapangyarihang Diyos na nagkatawang-tao, dala-dala ang lahat ng kapangyarihan sa langit at sa lupa. Ginagawa natin Siyang isang kasamahan natin, Siya na sa laban ng buhay ay may mas higit na hininga kaysa sa atin at nililingon Niya tayo upang tulungan. Pinakikitunguhan natin Siya na parang isa lamang Siya sa atin; hindi natin inaalis ang ating mga sapatos kapag Siya ay nagsasalita. Si Jesu-Cristo ay ang Tagapagligtas, at inililigtas Niya tayo tungo sa Kanyang ganap at banal na pagkapanginoon.

Mga Katanungang Pagmumuni-munian: Anong kagalakan ang natagpuan ko sa pagdurusa? Nakakatanggap ba ako ng higit na kagalakan mula kay Jesus sa pagtuturing ko sa Kanya bilang isang kasamahan o sa pagiging Hari Niya? Mas nagagalak ba akong isipin ang pamumuno sa kaharian ng Diyos o sa paghihirap para maitaguyod ito?

Ang sipi ay nagmula sa He Shall Glorify Me, © Discovery House Publishers