Soma Biblia Kila Siku 06/2024Mfano

Kabla sijasema neno lolote, wewe, ee Mwenyezi-Mungu, walijua kabisa(Zab 139:4 BHN). Somo la leo lina mifano miwili: 1) Mungu anampatia yule mjane haki yake kwa kumwongoza afike kwa mfalme wakati huyu anasimuliwa habari za kufufuliwa kwa mwana wa mjane. 2) Mungu anamjulisha Hazaeli jinsi atakavyosema na kutenda kabla hajafanya lolote. Siyo kwamba Mungu anamwagiza, wala kupenda maovu yake, ila Mungu akijua yote kabla hayo kutukia, anaweza kuyatumia kwa kuwapatia mema wampendao. Kumbuka ilivyoandikwa katika Rum 8:28:Twajua ya kuwa katika mambo yote Mungu hufanya kazi pamoja na wale wampendao katika kuwapatia mema, yaani, wale walioitwa kwa kusudi lake.