Soma Biblia Kila Siku 06/2024Mfano

Wana wa manabii walimwomba Elisha kwenda pamoja nao katika shughuli ya kupata miti ya ujenzi.Mmoja wao akamsema, ... nakusihi, uende pamoja na watumishi wako(m.3). Uwepo wake Nabii ulikuwa ni ishara ya kuwepo kwake Mungu pamoja nao. Haiwezekani kulieleza hili analolifanya Elisha bila kutaja nguvu na uweza alio nao Mungu. Mungu ndiye muumbaji. Ndiye aliyeweka nguvu ya uvutano ili vitu vianguke ardhini. Ndiye pia awezaye kufanya chuma kuelea. Mungu peke yake ndiye aliyeondoa dhiki ile, akijidhihirisha kwamba siku zote anaweza kuwategemeza. Sisi pia tumeahidiwa hivyo katika Zab 55:22:Umtwike Bwana mzigo wako naye atakutegemeza, Hatamwacha mwenye haki aondoshwe milele.