Soma Biblia Kila Siku 06/2024Mfano

Mungu anazo njia nyingi katika kutuokoa. Tafakari jinsi Mungu alivyotenda maajabu kuokoa Samaria katika shida walizopata wakazi. Walizingirwa na Washami, njaa kali ikawashika hata kuweza kula vitu visivyofaa, na zaidi sana hata kula watoto wao. Kwa kuvaa magunia, mfalme alionyesha kutafuta msaada wa Mungu, lakini akiona hajibiwi atakavyo, anamkasirikia Mungu na nabii wake. Lakini Mungu anaokoa kwa njia ya pekee, akileta habari njema ili tumwamini. Tafakari hiyo kwa kulinganisha na ilivyoandikwa katika 7:1:Elisha akasema, Lisikieni neno la Bwana; Bwana asema hivi, Kesho panapo saa hii, kipimo cha unga mzuri kitauzwa kwa shekeli, na vipimo viwili vya shayiri kwa shekeli, langoni pa Samaria.Ni Mungu pekee aokoaye, tumtegemee.