Магтаал: Дуулал номын судлалЗагвар

Энэ хэсэгт юуг өгүүлж байна?

Давид Бурханы нүүрийг эрэлхийлсэн бөгөөд Түүнийг бүү дуугүй байгаач гэж хүсэмжлэн дараа нь хүлээсэн. Тэр айгаагүй, учир нь түүний гэрэл, аврал, бамбай болон бат цайз болсон Бурханд тэр итгэсэн.

Энэ юу гэсэн утгатай вэ?

Давид амьдралынхаа олон жилийг амь насанд нь занал хийлсэн хэд хэдэн дайсны сүрдүүлгээс айн түгшиж өнгөрүүлсэн. Ийм байнгын аюул дунд амьдрахаас айх айдас заримдаа түүнийг тамирдуулж байсан байх. Амьдрал яг л төгсгөл үгүй шөнө мэт санагдах үед Давид тэнгэрлэг Эцэгийнхээ нүүр болон дуу хоолойг нь эрэлхийлж байв. Бурхан харанхуйд гэрэл асааж, Давидад хүлээх хүч чадлыг өгч Давидын айдсыг алга болгож байсан. Тэр хаана ч нуугдаж байсан, Давидын аюулгүй хоргодох газар болон итгэл найдвар нь түүний Хад болон цамхаг болсон Их Эзэний оршихуйд байв.

Би үүнд хэрхэн хандах ёстой вэ?

Харанхуйгаас айж буй хүүхдүүд шөнө дунд ээж аавынхаа ор руу гүйн очсоноор тайтгарлыг олдог. Тэднийг хайрладаг хүмүүсийн нүүр царай болон дуу хоолой нь тэдний айдсыг хөөн зайлуулдаг. Таныг юу айлгадаг вэ? Харанхуй эцэс төгсгөлгүй мэт санагдах үед та хэн рүү гүйдэг вэ? Бурхан Эцэгийн оршихуй нь хэзээ ч шивнэх төдий байдаггүй. Түүний дуу хоолой Бичээсийн хуудаснаас тод сонсогдож, та залбирах үед Түүний тайтгаруулагч оршихуйг мэдрэх боломжтой. Та өнөөдөр ямар ч нөхцөл байдалтай нүүр тулсан, Бурхан таны гэрэл, хүч чадал, бамбай, тусламж болон бат цайз байх болно. Та яг одоо айдастайгаа Түүн рүү хандах уу?