പ്രതിദിന ധ്യാന ചിന്തകൾ (ജെ.പി വെണ്ണിക്കുളം) - ഭാഗം 1ഉദാഹരണം

"യഹോവയുടെ ഭാരം എന്ത്"

ദൈവത്തിന്റെ അരുളപ്പാടുകൾ ഒരു യഥാർത്ഥ പ്രവാചകനെ സംബന്ധിച്ചിടത്തോളം ആത്മാവിൽ ഒരു ഭാരം തന്നെയാണ്. എന്നാൽ ഇതു മനസ്സിലാക്കിയ കള്ളപ്രവാചകന്മാർ പരിഹസിച്ചുകൊണ്ടു ചോദിക്കുന്നു: "യഹോവയുടെ ഭാരം എന്ത്". യാഥാർത്ഥ പ്രവാചകന്മാർക്ക് ദൈവത്തിൽ നിന്നും ലഭിച്ച  ദർശനം മറ്റു ചിലർക്കു ഭാരമായി മാറി. കള്ളപ്രവാചകന്മാർ തന്നെയാണ് യഹോവയുടെ ഭാരം എന്നു മറുപടി നൽകുവാൻ യിരെമ്യാവിനോട് ദൈവം ആവശ്യപ്പെട്ടു. ദൈവാലോചന എന്തെന്ന് ചോദിക്കേണ്ട സ്ഥാനത്താണ് പരിഹാസരൂപേണ യഹോവയുടെ ഭാരം എന്തെന്ന് അവർ ചോദിച്ചത്. പരിഹാസികൾ  ഇന്നും വർദ്ധിച്ചുകൊണ്ടിരിക്കുന്നു. ദൈവലോചന അവർക്ക് വിഷയമേയല്ല. ജീവിതത്തെ സ്പർശിക്കുന്ന ആലോചനകൾ അവരെ അസ്വസ്ഥരാക്കുന്നു. തെറ്റു സംഭവിച്ചിട്ടുണ്ടെങ്കിൽ പരിഹസിക്കുന്നതിനു പകരം ഏറ്റുപറയുന്നതല്ലേ നല്ലത്‌.