പ്രതിദിന ധ്യാന ചിന്തകൾ (ജെ.പി വെണ്ണിക്കുളം) - ഭാഗം 1സാംപിൾ

ഹന്നായുടെ കരച്ചിൽ ദൈവം കേട്ടു

പുത്രസൗഭാഗ്യം ഇല്ലാതിരിക്കുന്നത് ദൈവശാപമായി വിശ്വസിച്ചിരുന്ന കാലത്താണ് ഹന്നാ ജീവിച്ചത്. എന്നാൽ അവൾ ഹൃദയമുരുകി പ്രാർത്ഥിക്കുന്നവളായിരുന്നു. അവളുടെ ഹൃദയത്തിന്റെ ഭാരവും തേങ്ങലുകളും മനസിലാക്കാൻ ഏലി പുരോഹിതന് കഴിഞ്ഞില്ല. എന്നാൽ ദൈവം അറിഞ്ഞിരുന്നു. അവൾ ഒരു മകനുവേണ്ടിയാണ് പ്രാർത്ഥിച്ചതെങ്കിലും ദൈവം അവൾക്കു അഞ്ചു മക്കളെ നൽകി.

പ്രിയരെ, നമ്മുടെ വേദനകളെ ഉള്ളതുപോലെ മനസിലാക്കാൻ ആരും ഇല്ലെങ്കിലും ഭാരപ്പെടരുത്. സകലതും നന്നായി അറിയുന്ന ദൈവം ഉയരത്തിലുണ്ട്. പ്രാർത്ഥനയുടെ മറുപടി അവിടെനിന്നു വരും. അപ്പോൾ സകല നിന്ദയും ആനന്ദമായി മാറും.