പ്രതിദിന ധ്യാന ചിന്തകൾ (ജെ.പി വെണ്ണിക്കുളം) - ഭാഗം 1സാംപിൾ

ദൈവത്തോട് കണക്കു ബോധിപ്പിക്കേണം

ഓരോരുത്തരും വ്യക്തിപരമായി ദൈവത്തോട് കണക്കുബോധിപ്പിക്കേണ്ടവരാണ് (ലൂക്കോസ് 16:2; യെഹെ.22:14). ഇതു ഗൗരവമായി കണക്കിലെടുക്കേണം. മറ്റുള്ളവരുടെ നേരെ വിരൽ ചൂണ്ടുവാനാണ് മനുഷ്യന് ഏറെ ഇഷ്ടം. ദോഷം ചെയ്യുന്നവരോട് പകരം ചെയ്യാനുള്ള വെമ്പൽ മനുഷ്യനെ വല്ലാതെ ബാധിച്ചിരിക്കുന്നു. കർത്താവ് ന്യായാധിപതി ആകയാൽ വിധിക്കാൻ നമുക്കെന്തു കാര്യം? അതുകൊണ്ടു തന്നെ ന്യായാധിപൻ ആകുവാൻ ദൈവം ആരെയും അനുവദിക്കുന്നുമില്ല. അനാവശ്യ വിമർശനങ്ങളും തെറ്റിദ്ധാരണകളും ഗുണമല്ല ദോഷമത്രെ ചെയ്യുന്നത്.വിധിക്കരുത്, നിങ്ങളെയും വിധിക്കും എന്നു നാം വായിക്കുന്നുണ്ടല്ലോ (മത്തായി 7:1). മറ്റുള്ളവർക്ക് ദോഷം ഉണ്ടാക്കുന്നതൊന്നും നമ്മിൽ നിന്നും ഉണ്ടാകുവാൻ പാടില്ല. സ്നേഹത്തിന്റെ ആത്മാവിനാൽ നിറയട്ടെ, അപ്പോൾ സഹോദരനിലെ നന്മയെ കാണാൻ കഴിയും.