പ്രതിദിന ധ്യാന ചിന്തകൾ (ജെ.പി വെണ്ണിക്കുളം) - ഭാഗം 1സാംപിൾ

വേലക്കാരുടെ കൂലി പിടിച്ചുവയ്ക്കരുത്

ന്യായവിധി ദിവസത്തിൽ മൂകസാക്ഷികളാകുന്ന വെള്ളിയും പൊന്നും ഉൾപ്പടെ പല അചേതന വസ്തുക്കളെക്കുറിച്ചും ബൈബിളിൽ കാണാം (ഹബക്കൂക്ക് 2:11; ലൂക്കോസ് 19:40). ഈ വാക്യങ്ങളിൽ കല്ലുകളും മറ്റും ആർക്കുകയും നിലവിളിക്കുകയും ചെയ്യുന്നതായി കാണുന്നു. അതുപോലെ തന്നെ ഒന്നാണ് ഒരു കൂലിക്കാരന് ലഭിക്കേണ്ട കൂലി അന്യായമായി പിടിച്ചുവയ്ക്കുന്നത്. "അതു നിങ്ങളുടെ അടുക്കൽ നിന്നും നിലവിളിക്കുന്നു" എന്നല്ലോ നാം വായിക്കുന്നത് (ലേവ്യ.19:13 ചേർത്തു വായിക്കാം).നിലം ഉഴുതു വേല ചെയ്തവർ നിലവിളിക്കുമ്പോൾ നീതിയുള്ള ന്യായധിപതി കേൾക്കാതിരിക്കില്ല. അന്യായം കാണിക്കുന്നവർക്കെല്ലാമുള്ള പ്രതിഫലം അവിടുത്തെ പക്കലുണ്ട്. പ്രിയരെ, ദൈവസന്നിധിയിൽ നമുക്ക് വിശ്വസ്തരായിരിക്കാം. ന്യായമായത് നൽകുന്ന കർത്താവിൽ നമ്മെ ഭരമേൽപ്പിക്കാം. മനുഷ്യൻ അനീതി കാണിക്കുമ്പോഴും ദൈവം എന്നും നീതിമാൻ തന്നെ.