പ്രതിദിന ധ്യാന ചിന്തകൾ (ജെ.പി വെണ്ണിക്കുളം) - ഭാഗം 1ഉദാഹരണം

വളർച്ച പ്രാപിക്കണം

എബ്രായ ക്രിസ്ത്യാനികളെക്കുറിച്ച് ലേഖനകർത്താവ് പലകാര്യങ്ങൾ പറയുന്ന കൂട്ടത്തിൽ അവരുടെ വളർച്ചയെക്കുറിച്ചു പറഞ്ഞിരിക്കുന്നത് ശ്രദ്ധിക്കാം. ഒരു വിഷയം പഠിക്കുന്നതിന് മുൻപ് മൂന്നുവിധ പ്രയാസങ്ങൾ നേരിടാം. 1. വിഷയത്തിന്റെ കാഠിന്യം. 2.പഠിക്കുന്ന ആളിന്റെ അപ്രാപ്തി. 3.പഠിപ്പിക്കുന്നവരുടെ കഴിവുകേട്. 

ക്രിസ്തീയ ജീവിതം വളർന്നുകൊണ്ടിരുന്നില്ലെങ്കിൽ നിശ്ചയമായും അധപതിക്കും. ഇതിനു നിശ്ചലമായ ഒരു അവസ്ഥ ഇല്ല. ഒന്നുകിൽ വളരും അല്ലെങ്കിൽ തളരും. എബ്രായ വിശ്വാസികൾ ദൈവീക സത്യങ്ങൾ പഠിക്കാൻ തുടങ്ങിയ കാലം നോക്കിയാൽ, അവർ മറ്റുള്ളവരെ ഉപദേശിക്കാൻ പ്രാപ്തന്മാരാകേണ്ടതായിരുന്നു. പക്ഷെ അവർ വീണ്ടും ആദ്യപാഠങ്ങൾ പഠിക്കേണ്ട അവസ്ഥയിലാണ്. അതിന്റെ പ്രധാന കാരണം കേട്ട വചനത്തെക്കുറിച്ചു കൂടുതലായി പഠിക്കുവാൻ അവർ ശ്രമിച്ചില്ല. ഇന്നും ഇതു തന്നെ നാം കാണുന്നു. വർഷങ്ങളുടെ പാരമ്പര്യം അവകാശപ്പെടുമ്പോഴും ആദ്യപാഠം മാത്രം ആഗ്രഹിക്കുന്നവർ വളരേണ്ട നിലയിലുള്ള വളർച്ച പ്രാപിക്കുന്നില്ല എന്നത്രെ മനസിലാക്കേണ്ടത്. നമുക്ക് വളരാം, ക്രിസ്തു എന്ന തലയോളം (എഫെസ്യർ 4:!5).