പ്രതിദിന ധ്യാന ചിന്തകൾ (ജെ.പി വെണ്ണിക്കുളം) - ഭാഗം 1ഉദാഹരണം

ദൈവത്തിന്റെ ആലയം കള്ളന്മാരുടെ ഗുഹയല്ല

യിസ്രായേൽ ജനത്തിന്റെ നിരുത്തരവാദിത്വം മൂലം ദൈവത്തിന്റെ ആലയം കള്ളന്മാരുടെ ഗുഹയായിമാറി. ഇതു ദൈവം തന്നെയാണ് പറഞ്ഞിരിക്കുന്നത്. ദൈവം വസിക്കുന്ന ആലയം ദൈവം നശിപ്പിക്കയില്ല എന്നവർ ചിന്തിച്ചുകാണും. പക്ഷെ, 'കള്ളന്മാരുടെ ഗുഹയായിത്തീർന്ന' ആലയം നശിപ്പിക്കുക തന്നെ ചെയ്യുമെന്നു ദൈവം അരുളിച്ചെയ്തു. യിരെമ്യാവിന്റെ കാലത്തുതന്നെ ഈ പ്രവചനം നിറവേറി. പിന്നീട് പുതുക്കിപ്പണിത ദേവാലയത്തിന്റെ പിൽക്കാല കാഴ്ചയാണ് പുതിയനിയമത്തിൽ നാം കാണുന്ന യേശുവിന്റെ ദേവാലയ ശുദ്ധീകരണം. വ്യാപാരികളെ പുറത്താക്കിക്കൊണ്ടു യേശു ചോദിച്ചു, ദൈവത്തിന്റെ ആലയത്തെ നിങ്ങൾ കള്ളന്മാരുടെ ഗുഹയാക്കിത്തീർത്തു (മർക്കോസ് 11:17). പ്രിയരെ, ദൈവത്തിനായി വേർതിരിക്കപ്പെട്ട വിശുദ്ധസ്ഥലം പാപജീവിതം നയിക്കുന്നവരുടെ സങ്കേതമാകാൻ പാടില്ല. എന്നാൽ ദൈവത്തെ അനുസരിക്കുന്നവർക്കു അവിടെ സുരക്ഷിതത്വവുമുണ്ട്.