പ്രതിദിന ധ്യാന ചിന്തകൾ (ജെ.പി വെണ്ണിക്കുളം) - ഭാഗം 1ഉദാഹരണം

ഓരോ ശുശ്രൂഷയ്ക്കും ഉണ്ട് ഗൗരവഭാവം

എല്ലാവരും അംഗീകരിച്ചാലും ഇല്ലെങ്കിലും പൂർണഗൗരവത്തോടെ ചെയ്യേണ്ട പലതരം ശുശ്രുഷകളുണ്ട്. അതിൽ മൂന്നെണ്ണം തീത്തോസിന്റെ ലേഖനത്തിൽ വായിക്കുന്നു. ദൈവവചന പ്രഘോഷണം, പ്രബോധനം, ശാസന എന്നിവയാണവ. വചന പ്രഘോഷണം ലാഘവബുദ്ധിയോടെ ചെയ്യേണ്ട ഒന്നല്ല. ജീവിതത്തിൽ പരാജിതരും പാപികളുമായവർക്കു ആശ നല്കുന്നതാകട്ടെ പ്രബോധനം. ശാസനയിലൂടെ തെറ്റുകൾ ചൂണ്ടിക്കാണിക്കുമ്പോൾ അതു ഉൾക്കൊള്ളാനും തിരുത്താനും തയ്യാറാകണം. പാപബോധം വന്നാൽ നിശ്ചയമായും അതു ചെയ്തിരിക്കണം. പ്രിയരെ, പലപ്പോഴും പൂർണഗൗരവത്തോടെ വചനം പ്രസംഗിക്കുന്നവരുടെ പ്രഭാഷണം തള്ളിക്കളയുന്നവരുണ്ട്; പ്രബോധനം സ്വീകരിക്കാത്തവരുണ്ട്; ശാസിച്ചാൽ അതു കാര്യമാക്കാത്തവരുണ്ട്. ഇവിടെയാണ് മാനസാന്തരം ആവശ്യമായിരിക്കുന്നത്‌.