പ്രതിദിന ധ്യാന ചിന്തകൾ (ജെ.പി വെണ്ണിക്കുളം) - ഭാഗം 1സാംപിൾ

മൊർദ്ദേക്കായിയുടെ ഉയർച്ച

മൊർദ്ദേക്കായിയുടെ നാശത്തിനായി പ്രവർത്തിക്കുവാൻ സാത്താൻ ഹാമാനെ പ്രേരിപ്പിച്ചപ്പോൾ മൊർദ്ദേക്കായിയുടെ ഉയർച്ചയ്ക്കായി പ്രവർത്തിക്കുവാൻ ദൈവം രാജാവിന്റെ ഹൃദയത്തിൽ പ്രേരണ നൽകി. ഒരുവന്റെ ഉയർച്ച ദൈവത്തിന്റെ പദ്ധതിയിൽ ഉണ്ടെങ്കിൽ അതിനുവേണ്ടി ഒരു രാജാവിന്റെ ഉറക്കം കളയേണ്ടി വന്നാലും ദൈവം അതു ചെയ്തിരിക്കും. രാജാക്കന്മാരെ സഹായിക്കുന്നവരെ പേർഷ്യൻ നാടുകളിൽ 'ഓറോസാംഗി' എന്നു വിളിച്ചിരുന്നു.അങ്ങനെയുള്ളവരെ ആദരിക്കുക രാജാവിന്റെ കടമയായിരുന്നു. അതുകൊണ്ടാണ് അഹശ്വരോശ് രാജാവ് മൊർദ്ദേക്കായിയെ ഇങ്ങനെ ബഹുമാനിച്ചത്. ഒരുവശത്തു ശത്രു അപമാനത്തിന്റെ കരുക്കൾ നീക്കിയാലും നാം അറിയാതെതന്നെ മാനിക്കപ്പെടുന്ന ചില സന്ദർഭങ്ങൾ മുന്നിലുണ്ടെന്നു മറക്കരുത്.