പ്രതിദിന ധ്യാന ചിന്തകൾ (ജെ.പി വെണ്ണിക്കുളം) - ഭാഗം 1ഉദാഹരണം

"എന്റെ ജാമ്യക്കാരൻ ഉയരത്തിൽ"

ഇയ്യോബ് തന്റെ ജീവിതത്തിൽ നേരിട്ട കഷ്ടതയുടെ നടുവിൽ ചില സമയങ്ങളിൽ നിരാശപ്പെട്ടു. എന്നാൽ നിരാശയുടെ അടിത്തട്ടിൽ വീണുപോകാതെ ദൈവം അവനെ പ്രത്യാശയിലേക്കു ഉയർത്തി. മനുഷ്യൻ തന്നെപ്പറ്റി പറയുന്ന കുറ്റങ്ങളും അപവാദങ്ങളും പരമാർത്ഥമല്ല എന്നറിയുന്ന ഒരു സാക്ഷി സ്വർഗ്ഗത്തിൽ ഉണ്ടെന്നു ഇയ്യോബ് പറയുന്നു. കഷ്ടതയുടെ തീച്ചൂളയിൽ കിടന്നു മരിക്കേണ്ടി വന്നാലും തനിക്കുവേണ്ടി ഒരു ജാമ്യക്കാരൻ സ്വർഗ്ഗത്തിലുണ്ടെന്നു ഇയ്യോബ് പ്രത്യാശ പ്രകടിപ്പിക്കുന്നു. താൻ മരിച്ചാലും ഈ സാക്ഷിയും ജാമ്യക്കാരനും തന്റെ നിരപരാധിത്വത്തിന്റെ സാക്ഷി നിൽക്കും എന്നു താൻ ഉറച്ചു വിശ്വസിച്ചു.