പ്രതിദിന ധ്യാന ചിന്തകൾ (ജെ.പി വെണ്ണിക്കുളം) - ഭാഗം 1ഉദാഹരണം

"സ്വന്ത കൈകൊണ്ട് വേല ചെയ്യുന്നതിൽ അഭിമാനിക്കണം"

ക്രിസ്തുവിന്റെ മടങ്ങിവരവ് വേഗം സംഭവിക്കും എന്ന ചിന്തയിൽ തെസ്സലോനിക്യയിലെ വിശ്വാസികളിൽ പലരും വേല ചെയ്യാതെ അലസന്മാരായി ജീവിച്ചു. കർത്താവ് പെട്ടെന്ന് വരികയാണെങ്കിൽ പിന്നെ വേല ചെയ്തു പണം സമ്പാദിക്കേണ്ട ആവശ്യം ഇല്ലല്ലോ എന്നു അവർ ചിന്തിച്ചിട്ടുണ്ടാകും. അതിനെതിരെയാണ് പൗലോസ് ശബ്ദമുയർത്തിയത്. കർത്താവ് ഉടൻ വന്നാലും ഇല്ലെങ്കിലും ഏതെങ്കിലും ഒരു കൈത്തൊഴിൽ ചെയ്യുന്നത് അഭിമാനമാണെന്നാണ് അപ്പോസ്തലൻ പറയുന്നത്. അതിനു പൗലോസ് അവർക്ക് മാതൃക കാണിച്ചുകൊടുത്തു (2:9). പരസഹായം കൂടാതെ  ജീവിക്കണമെങ്കിൽ ജോലി ചെയ്തു ജീവിക്കണം. അതിൽ അഭിമാനിക്കുകയും വേണം.