Atombohy eto | Dingana voalohany miaraka amin'i JesoaSantionany

Marka 6-7 | Voairaka hanompo

Eo amin'ny Marka 6 isika anio, ary tonga tokoa ny fotoana ilalaovana. Tsy fanatanjahan-tena natao hojerentsika akory ny fanarahana an’i Jesoa, ary efa ho avy ilay fotoana izay natao ilalaovan'ny mpianatra amin'izay.

Mihatra aminao ihany koa izany. Raha manaraka an’i Jesoa ianao dia voantso ho amin’ny asa fanompoana, tsy an-kanavaka io. Ankehitriny, raha tsy mpino ianao dia manasa anao hino. Saingy tadidio fa tsy asaina hiditra andrim-panjakana ianao akory fa antsoina amin'ny hetsika.

Inona ary no hevitr'izany ho an'ny mpianatra? Ho fantan'izy ireo tsy ho ela ny valiny. Marka 6, andininy faha-7:

“Ary nantsoiny hankeo aminy ny 12 lahy ary nirahiny tsiroaroa handroaka ny fanahy maloto.”

Marihina fa naniraka azy ireo i Jesoa. Tsy miandry olona hiditra ao aminy ny minisitera fa mivoaka tokoa ho any amin’izay mila azy izy. Naniraka azy handeha tsiroaroa Izy - fanatanjahan-tena ekipa tokoa ny asa fanompoana. Ary nomeny fahefana izy ireo - ny fahefan'Andriamanitra - handeha.

Dia manome toromarika azy ireo Izy. Andininy faha-8:

“Aza mitondra na inona na inona ianareo rehefa handeha, afa-tsy tehina - aza mitondra vatsy na kitapom-batsy na vola am-paosy; manaova kapa ary aza mitondra akanjo hisoloana.”

Arak'izay, dia lesona momba ny finoana no nentina nanirahan'azy ireo voalohany. Tsy mitondra vatsy-finoana irery ihany. Tsy mitovy anefa ny toromarika rehetra. Haniraka azy ireo handeha hiaraka  amin'ny vatsy indray i Jesoa any aoriana any. Ny iraka dia tsy raikipohy na fomba fanao, lalana aleha izany, ary ny tena fanalahidy dia ny fahazoana ny torolalana avy amin'ny Tompo hatrany isaky ny mandeha. Ny fanarahana an’i Jesoa dia midika hoe manaraka toromarika, ary matoky an’Andriamanitra mandrakariva. Na tsy manana vatsy na ampy vatsy tsara ianao, matokia fa Andriamanitra no hanome.

Dia ahoana izany? Andininy faha-12: 

“Dia lasa izy 12 lahy ary nitory tamin'ny olona fa hoe tokony hiala amin'ny toe-dratsy. Demony maro no noroahiny ary marary maro no nohosorany diloilo ka nositraniny.”

Vitany tokoa ilay izy! Natoky izy ireo, dia nanome Andriamanitra. Niverina tany amin’i Jesoa izy ireo nanao ny tatitra, vetivety teo anefa dia tafangona ny vahoaka, ary eo amin’ny andininy faha-31, dia hoy Izy tamin’ny mpianany:

“Ndao ianareo hitokana any an-taniefitra hiala sasatra kely.”

Fitsipika lehibe amin'ny fanompoana aseho eto: mialà ianao sasatra miaraka amin'i Jesoa. Dia tonga tany amina toerana mitokana àry izy ireo, fa ny vahoaka no tonga tany voalohany! Miala tsiny ry zalahy - tsy misy fialan-tsasatra amin'ity indray mitoraka ity. Andininy faha-34:

“Rehefa niala tao an-tsambokely i Jesoa, dia nahita vahoaka maro; ka onena azy ireo ny fony.” 

Talanjona foana aho amin’ny fahaizan’i Jesoa mangoraka. Ny fangorahana dia midika hoe “mijaly miaraka aminy” — ary izany no nataon’i Jesoa. Hitany ny filan’ny olona ary noraharahiny izany. Ary nampianariNy ny mpianatra hiahy.

Eny, nampianatra Jesoa ary ariva ny andro. Betsaka ny olona -lavitra ny toerana - ary mila sakafo izy ireo. Hoy ny mpianatra tamin’i Jesoa mba handefa hody azy rehetra. Mitombina ny eritreriny. Andininy faha-37:

“Fa novaliaNy hoe, ‘Ianareo ihany no aoka hanome hanina azy.’” 

Diniho tsara io. Hitan’ny mpianatra fa ilaina izany, dia nasain'i Jesoa hamahanana an'ilay vahoakaizy ireo . Saingy tsy ampy hanao izany izy. Sady tsy hoe saika ampy akory aza! Ary mbola any afovoan-tany tsy fantatra any ihany koa no nisy azy ireo.

Tsarovy indray anefa ny zavatra vao nianaran'izy ireo: Na tsy manana vatsy na ampy vatsy tsara ianao, matokia fa Andriamanitra no hanome. Andininy faha-38:

“Fa hoy i Jesoa taminy: ‘Misy mofo firy any aminareo?’” ‘Ndeha hoe jereo.’ Ka nony fantatry ny mpianany, dia hoy izy ireo hoe: ‘Mofo dimy - ary koa trondro roa.’”

Natao ho an'ny olona vitsivitsy fotsiny ny isan'ireo mofo sy trondro, fa tsy olona an'arivony. Saingy jereo tsara ary. Nasainy nipetraka ny olona, ary ao amin’ny andininy faha-41, 

“Noraisin'i Jesoa tamin'izay ny mofo dimy sy ny trondro anankiroa; ary rehefa niandrandra ny lanitra ka nisaotra an'Andriamanitra Izy, dia nanapaka ny mofo sy nanome azy ny mpianany harosony amin'ny olona.”

Andraso vetivety. Atsaharo aloha ny kasety ary jereo tsara. Nisaotra Jesoa, namaky ny mofo ary nanome ny mpianatra tsirairay – firy?

Mba mipetraha amin'ny toerany. Mijery ny eo am-pelatanany izy- mety antsasaky ny mofo eo, trondro kely. Jerena nefa ny manodidina - olona aman-jatony. Fa Jesoa nibaiko hoe omeo hanina izy, ka dia lasa ary ianao manome hanina azy. Andininy faha-42:

“Dia samy nihinana avokoa izy rehetra ka voky. Nangonin'ireo mpianatra ny tapa-mofo ambiny ka nahafeno sobika 12, ary nangoniny koa ny trondro sisa. Nefa dia nisy dimy arivo ny vatan-dehilahy nihinana mofo teo.”

Tsara loatra anie!. Ary mbola misy izany ankehitriny. Efa maro ireo tantara toy ny mofo sy trondro avy amin’ireo namako ao amin'ny fanompoana izay reko fa nitranga tokoa. Asa vonjy maika amin’ny rivo-doza any Atsimo, fanomezana hanina ny mahantra any Meksika, sy ny maro hafa. Indraindray, misy kamiao iray tonga tampoka. Indraindray, ny famatsiana kely dia toa maharitra ela kokoa noho ny tokony ho izy. Fahagagana tena izy izany- fa hamenoana ny filana foana ihany. Ary anivon’ny fanompoana ao amin'ny fangoraham-po

Rehefa hamaky ny Marka 6 sy 7 ianao, dia jereo ny fahagagana nataon’i Jesoa. Izy ve dia misehoseho - sa mangoraka? Mampianatra ny mpianatra hahay hanao fahagagana ve izy, sa mikarakara sy manampy na dia rehefa mihoatra lavitra noho izay azony omena aza ny filana?

Efa ela aho no nianatra fa izaho irery dia tsy ampy. Fa ny fanompoana dia antso ho amina zavatra lehibe kokoa noho ny tenantsika, zavatra tsy azontsika atao irery.

Ianao ahoana? Manana izay ilaina hanampiana ireo olona rehetra ireo ve ianao? Tsia? Izaho koa tsy manana. Nilaza i Jesoa nefa hoe mandehana, ka dia handeha izany isika. Na tsy manana vatsy na ampy vatsy tsara ianao, matokia an'Andriamanitra... ary midira amin'ny lalao.

Ho dinihina sy atao fanakalozan-kevitra:

• Inona, araka ny hevitrao, no nampianarin’i Jesoa ny mpianany rehefa naniraka azy ireo tsy nanam-bola Izy? Ahoana ny hevitrao tamin'ny nirahaNy hamahanana olona 5000 izy ireo kanefa tsy ampy ny sakafo? Mihatra amin’izao andro izao ve ireo lesona ireo?
• Inona no traikefanao teo amin’ny fanompoana an’Andriamanitra sy ny fanampiana ny hafa izay mifandray amin'izay? Zarao ny tantaranao.
• Raha afaka nanao na inona na inona ho an'Andriamanitra ianao, inona izany?