Atombohy eto | Dingana voalohany miaraka amin'i JesoaSantionany

Mark 12-13 | Ho an'ny fitiavan'Andriamanitra

Tongasoa indray. Anio isika dia handinika ny fifanoherana misy eo amin'ny: fihatsaram-belatsihin'ny fombafombam-pivavahana sy ny fitiavana tsy misy fetra. Miharihary tokoa ny maha-samihafa azy roa ireo na tamin'ny andro taloha izany na ankehitriny ihany koa aza. Ny fihatsaram-belatsihy no mahatonga antsika hankahala ny fombafombam-pivavahana - ny fitiavana mahagaga sy tsy misy fetra izay atolotr'Andriamanitra kosa no mampiverina antsika indray. Ahoana ary no ampifanarahantsika izany fizarazarana be izany?  

Eto amin'ity filazan-tsaran'i Marka ity, dia izay fizarazarana be izay no tonga ao an-tsaina voalohany. Herinandro izay no nanarahantsika ny tantaran'i Jesoa, fa ho an'ny mpianatra kosa dia efa ho telo taona izao izay, ary ny Marka toko faha-12 dia mitondra antsika eo amin'ny herinandro farany niainan'i Jesoa teto an-tany. Tonga teo Jerosalema ny vahoaka be izay avy amin'ny tany Israely rehetra hankalaza ny fetin'ny Paska.

Ny Paska dia fety fankalazana eo amin'ny Jiosy izay entina hahatsiarovana ny nanafahan'Andriamanitra azy ireo tamin'ny fanandevozana ary ny namonjen'ny Tompo azy ireo tamin'ny alalan'ny ràn'ny zanak'ondry. Tamin'io fotoana io dia niomakomana ny amin'izay fety izay ny tanàna, ary tonga resa-be teo an-toerana ny amin'i Jesoa. Nizarazara be ihany ny hevitra mikasika an'i Jesoa tamin'izay. Maro ireo variana tamin'ireo fahagagana izay nataony sy ny fampianarany, fa tezitra kosa ireo mpitondra fivavahana tamin'izany. Tsinontsinoavin'izy ireo ny fahamoram-panahin'i Jesoa - ary tsy eken'ny sain'izy ireo ny fitiavan'i Jesoa ny mpanota. 

Nahoana ary no misy ireo olona izay toa tena mafana fo amin'ny fanarahana an'Andriamanitra nefa dia tsy misy fitiavana mihitsy ao am-pony? Mianatra ny teny soratra masina izy, nefa dia tsy mety takany izay tena heviny marina. Miantso azy ireo ho mpiatsara-velatsihy Jesoa, manaja an'Andriamanitra amin'ny molony nefa ny fony kosa dia lavitra Azy (Marka 7:6). Raha tonga mialoha teny an-toerana i Jesoa tamin'iny herinandro iny dia nahita fa navadik'izy ireo ho fitadiavam-bola ny fetin'ny Paska. 

Ho ahy manokana, ny fifanoherana izay mitranga eto dia mampiseho ny fizarazarana izay nisy teo amin'ny kristianina tamin'izay. Ny marika tokony hahafantarana ny Kristianina dia ny fitiavana. Mpitsaratsara olona sy mpihatsara-velatsihy nefa no toa ahafantaran'ny be sy ny maro antsika. Mitovy an'ireto olona izay notenenin'i Jesoa mafy ireto isika. Tsy tokony ho izay nefa no izy.

Raha ny mikasika ireto mpitondra fivavahana ireto, dia nahariharin'i Jesoa hatrany ny fitiavan-tenany sy ny fiavonavonany, koa dia lasa nitady fomba hamonoana Azy izy ireo. Ao amin'ny toko faha-12, dia tonga nitsapa an'i Jesoa tamin'ny fanontaniana maro be izy ireo. Nametrahany fanontaniana ny amin'ny fahefana izay nananany i Jesoa, ary nihevitra ny hamandrika Azy mikasika ireo Teny ao amin'ny Soratra Masina. Ny mahavariana sy toa mahatsikaiky eto dia ny hoe ireto mpanora-dalana izay mafana fo amin'ny fanarahana hatramin'ny antsimpiriany ny Tenin'Andriamanitra ireto no toa tsy mahatakatrta akory ny tena ivon'ny Soratra Masina. 

Na dia izany aza, dia nisy olona iray niavaka ihany tamin'izy ireo. Andeha anie hovakiantsika ny andininy faha- 28: 

"Dia nanatona an’i Jesosy ny mpanora-dalàna anankiray, izay efa nahare ny niadiany hevitra tamin’ny Sadoseo ka nahalala fa namaly azy tsara Izy, dia nanontany Azy hoe: Ny didy manao ahoana no voalohany amin’izy rehetra?'"�

Tsara be ilay fanontaniana. 

“‘Ary Jesosy namaly hoe: Ny voalohany dia izao:,,Mihainoa, ry Isiraely: Jehovah Andriamanitsika dia Jehovah iray ihany; koa tiava an’i Jehovah Andriamanitrao amin’ny fonao rehetra sy ny fanahinao rehetra sy ny sainao rehetra ary ny herinao rehetra� (Marka 12:29-30).

Izany hoe ny didy voalohany indrindra dia fampahatsiahivana fa Tokana ihany ny Andriamanitsika. Ny Baiboly dia mampianatra antsika fa ny Ray dia Andriamanitra, Jesoa dia Andriamanitra, ary ny Fanahy Masina dia Andriamanitra. Andriamanitra telo nefa iray. Ary ny didiny dia ny hitia an'Andriamanitra amin'ny zavatra rehetra! Mbola notohizan'i Jesoa hoe:

"Ary ny faharoa dia izao:,,Tiava ny namanao tahaka ny tenanao’’. Tsy misy didy hafa lehibe noho ireo."� (Marka 12:31).

Izany hoe raha fintinina ny didy rehetra dia Fitiavana. Ny tanjon'Andriamanitra ny amintsika dia tsy ny hanome boky feno didy tsy maintsy ho arahina. Ny tena tanjony dia fitiavana: Fitiavana an'Andriamanitra, Fitiavana ny hafa. Andininy faha-32:

“‘Ary hoy ilay mpanora-dalàna taminy: Marina izany, Tompoko; tsara ny nilazanao…”

Mahavariana an. Eo amin'ny tontolo feno mpihatsara-velatsihy, dia misy lehilahy iray mametraka fanontaniana manan-danja lehibe ary mandray ny valin-teny amin'ny fony manontolo. Maneho fanetren-tena lehibe izy, ary raha hitan’i Jesoa fa namaly tamim-pahendrena izy, dia hoy Izy taminy: "Tsy lavitra ny fanjakan’Andriamanitra hianao."

Diniho tsara amin'izay anie ilay fifanoherana e. Ny mpihatsara-velatsihy dia miresaka mikasika ny Soratra Masina nefa ny fony dia lavitra an'Andriamanitra. Fa ity lehilahy ity kosa dia nanatonaakaikyny fanjakan'Andriamanitra rehefa nahazo tsara izy hoe ny Fitiavana no ivon'ny didy rehetra. Fitiavana an'Andriamanitra sy Fitiavana ny hafa. 

Revolisionina hitondra fiovana lehibe mihitsy io Fitiavana izay angatahan'i Jesoa io. Fitiavana ny namana, Fitiavana ny fahavalo, Fitiavana ny mpanota. Fitiavana tsy misy fetra - miaraka amin'ny famindram-po sy fahasoavana feno dia feno. Tsy misy dikany akory ny asa fanompoantsika na dia nahavita be aza isika raha toa ka tsy misy fitiavana (1 Korintiana 13:1-3).

Ary eto dia mahita karazany hafa amin'ny Kristianina indray isika. Olona izay tsy maneho fitsaratsarana, fa kosa fahamoram-panahy. Olona izay maneho fahafoizan-tena lalina tokoa noho ny fitiavany - miahy ireo kamboty sy ireo mpitondra-tena, ireo nahilikilika sy ireo mahantra sy malahelo- na inona na inona fiaviny na firazanany na finoany na lahy izy na vavy na inona na inona. Nafoiny tanteraka ny fiainany. Tena mahavariana ahy ireto olona ireto. Tia tsotra izao… izy ireo. 

Mivavaka aho mba ho voatahy manokana ianao ka hanodidina anao ireo karazan'olona toy ireo. Mivavaka ihany koa aho mba ho em> no izany karazan'olona izany. Ary aiza eto an-tany aza no hianarantsika fitiavana toy izany? Manaraha hatrany an'i Jesoa, dia ho hitanao tsy ho ela ny valin'izany. 

Entina ho dinihana & ho resahana

• Inona no lazain'i Jesoa fa didy roa lehibe indrindra? (andininy. 29-31). Nahoana no ireo roa ireo no lehibe indrindra raha ny hevitrao?
• Mahafantatra olona ve isika izay mafana fo be ny amin'ny famakiana ny Teny Soratra Masina nefa indrisy fa tsy nahatakatra ihany koa fa ny fitiavana no lehibe indrindra amin'Andriamanitra? Inona no mety mahatonga an'izany? 
• Moa ve mahafantatra ihany koa isika olona izay maneho ny fitiavan'Andriamanitra amin'ny alalan'ny asa soa amin'ny fiaraha-monina misy azy? Tantarao ny tantarany-.