Mifandray

Tamin’ny taranaka lasa, dia tena voafetra ny fahafahan’ny olona hanana Baiboly. Efa tsy izany intsony ny zava-misy ankehitriny. Maro anefa ny olona izay manana Baiboly no mihevitra fa tsy misy ifandraisany amin’ny fiainany ny hafatra ao anatiny. Etsy an-danin’izany, dia misy koa ireo mino fa tena misy ifandraisany ny Baiboly sy ny fiainana andavan'andro.

Fivoaran'ny Fampahalalana

Tao anatin'ny folo taona lasa, ny Internet dia nitondra revolisiona izay tena nampahery ny olona. Eo ny fahafahana mizara, mandray anjara, mamorona, mandefa ary mifandray, hany ka mora ny maneho ny maha-izy antsika sy ny zavatra inoantsika amin'ny tontolo hafa.

YouVersion

Nanomboka tamin’ny 1996, ny tanjon’ny Life.Church dia ny hitarika ny olona ho tonga mpanara-dia feno fanoloran-tena ho an’i Kristy. Rehefa nanao izany izahay, dia nitady fomba vaovao hanampiana ny olona hampifandray ny Baiboly amin’ny fiainany andavanandro. Niova ny fombanay nandritra ny taona maro satria nampiditra teknolojia sy paikady isan-karazany izahay. Fa ny tena zava-dehibe izay ifantohanay dia mijanona amin'ny maha-zava-dehibe ny fiezahanay tsy tapaka haneho sy hampianatra ny olona ny fomba ifandraisan'ny Tenin'Andriamanitra amin'ny olona rehetra, na aiza na aiza misy azy eo amin'ny fiainana. YouVersion dia mametraka sisintany vaovao amin'ny ezaka ataon'ny Life.Church. Tsy vitan'ny hoe manangana fitaovana hiantraika amin'izao tontolo izao amin'ny fampiasana teknolojia vaovao fotsiny izahay, fa ny zava-dehibe kokoa, dia mampirisika ny olona hifandray amin'Andriamanitra izahay rehefa mahita ny maha-zava-dehibe ny Baiboly amin'ny fiainany izy.