Mombamomba ny Fandaharana

Atombohy eto | Dingana voalohany miaraka amin'i JesoaSantionany

ANDRO FAHA-15 AMIN'NY 15 ANDRO

Kolosiana 4: 17 | Vitao Izay Natombokao

Miarahaba anao ry namako. Anio no andro farany. Arahabaina! Vitanao izay natombokao, efa tena mariky ny toetra izany. Tena matotra. Mety manontany tena izao ianao hoe inona indray ny manaraka? Anio isika dia hanao jery todika izay nianarantsika sady hanomana ny dingana hataonao manaraka.

Misy andininy iray izay any amin'ny faran'ny Kolosiana any mahafitina azy tsara. Andininy faha 17:

"Ary lazao amin’i Arkipo hoe: Tandremo ny fanompoana izay noraisinao tao amin’ny Tompo mba hahatanterahanao izany."

Mahaliana a! Tsy mahafantatra an'i Arkipo isika ary tsy mahalala ny fanompoany akory. Saingy fantatsika fa zava-dehibe izany. Tena manan-danja amin'Andriamanitra ny olona iray, ary manan-danja eo anivon'ny tontolo misy azy ihany koa ny fiantsoan'Andriamanitra eo amin'ny fiainan'ny olona iray. Koa hoy i Paoly taminy, "tanteraho ny fanompoana." Vitao izao izay natombokao.

Izany àry no hafatro ho anao. Tsy mahafantatra anao manokana aho saingy fantatro fa manan-danja amin'Andriamanitra ianao ary fantatro fa hiavaka ny fanompoanao. Manana ny antom-piasianao sy ny niantsona anao ianao ka vitao ny asa. Voalohany, andeha isika handinika.

Niatomboka tamin'ny teny tsotra roa ny diantsika: "Araho aho." Ary indro ny tantarantsika hatramin'ny voalohany ka hatramin'ny farany, manara-dia an'i Jesoa. Eny an-dàlana eny dia hitantsika Jesoa manasitrana ny aretina, mampitsahatra ny tafiotra, mamela ny mpanota sy manarina indray ny olona. Anisan'izany asa izany ireo mpianatra, ary ianao ihany koa.

Ao amin'ny Marka 8 i Jesoa dia niantso ireo mpianatra ho amin'ny fanoloran-tena:

"Ary nantsoiny hanatona Azy ny vahoaka mbamin’ny mpianany, dia hoy Izy taminy: Raha misy ta-hanaraka Ahy, dia aoka izy handa ny tenany sy hitondra ny hazo fijaliany ka hanaraka Ahy." (Marka 8:34).
Ary nanaraka ireo mpianatra. Miaraka amin'ilay mpanapaka tanora mpanakarena dia nianatra isika fa ny fanarahana an'i Jesoa dia midika hoe mandao ireo sampy toy ny vola sy ny avonavona. Ary nianatra ihany koa isika momba ny didin'Andriamanitra lehibe indrindra: mitia an'Andriamanitra sy ny manodidina anao. Ary ambonin'izany rehetra izany dia ny nianarantsika ny fahalehibiazan'ny fitiavan'Andriamanitra antsika. Nanolotra ny ainy mba hamonjena antsika Jesoa.

Tsarovy fa tsy zavatra nohariantsika izany. Tsy isika no nanonitra ny fahotantsika ary tsy isika ihany koa no nanatsara ny tenantsika. Maty Jesoa mba handoa tanteraka ny sandany ary nitsangana indray izay mba hitondra fiainam-baovao ho antsika. Fahasoavana. Ny ataontsika dia ny miaina fiainana mendrika ny antsony.

Mitarika antsika ho any amin'ny Kolosiana izany. Ahoana ny iainantsika an'izany? Teny tsotra roa: araho Jesoa. Amin'izao fotoana izao, raha tokony hanaraka dian-tongotra ianao dia manana an'i Kristy ao anatinao ianao. Ankehitriny dia ny Fanahy Masina no mitarika anao amin'ny fiainana, fa ny anjaranao dia ny manala ireo toetra taloha ka mitafy ny toetra vaovao.

Ary ny Fanahy dia manome anao fahazarana vaovao. Tadidio fa tsy zavatra tokony ataony izany fa asany. Zava-dehibe amin'ny fanombohanao ny dingana manaraka izany:

Manomboha fahazarana ara-Baiboly. Manamboara fotoana iray isan'andro hanokafana sy hamakiana Baiboly. Manana planina famakiana tsara izahay eto amin'ny Baiboly app mba hanampy anao, tiako be ireo planina ireo, izay mitarika hanokatra boky iray isaky ny mandeha. Na azonao atomboka indray ihany koa ity planina ity. Amin'izay fotoana izay dia asao ireo namanao hiara-dalana aminao. Dia hitondra ahy amin'ny…

Manomboha fahazarana fiarahana. Mifandraisa amin'ireo mpino hafa. Nantsoina hifankatia isika ary mitaky fotoana hiombonana izany. Izany no antompisian'ny fiangonana. Tsarovy fa ny fiangonana dia tsy fampisehoana izay jerenao fa fiarahana. Koa mandraisa anjara. Mitondrà tena araka ny maha ianao anao, zarao ny fonao, ekeo ny fahotanao, miaraha mivavaka ary mitadiava fahasitranana. Ary toerana tena tsara… izany

Manomboha fahazarana manompo. Izany no ministera. Mitadiava fahafahana hanampy ny hafa amin’ny fomba tsotra. Fomba iray lehibe hanampiana ny…

Manomboha fahazarana mivavaka. Tadidio fa ny vavaka dia tsy izay hahazoana izay ilainao fa fanatonana akaiky kokoa an'Andriamanitra. Koa misokafa amin'izay, zarao ny fonao, ny filànao ary mivavaha ho an'ny hafa ihany koa.

Ary indro hisy fahazarana vaovao hafa ihany koa: fahazarana miaiky heloka, fahazarana manao mpianatra. Raha toa ka miendrika lisitry ny tokony hatao izany fanombohana izany dia ataovy miadana. Tsarovy fa tsy fanarahan-dalàna izany fa fanarahana an'i Jesoa. Koa araho milamina, mifantoha Aminy ary avelao ny Fanahy no hitarika anao.

Ary tsarovy fa tsy notefena ho lasitrana Kristiana ianao. Novolavolaina avy ao anaty, hiverina indray amin'ny endrik'Andriamanitra izay nahariana anao ianao. Ohatra: ny iray amin'ireo fahazaranao dia ny hanome. Tsy hoe manome vola ianao mba hahazoana naoty avy amin'Andriamanitra. Manome ianao satria mpanome Andriamanitra, ary mianatra ny malala-tanana toa azy ihany koa ianao.

Koa fotoana izao hanombohana. Misy tantara be miandry antsika. Misy dia betsaka amin'ny fiainana, izay dia amin'ny Baiboly. Manana asa ho anao Andriamanitra ka vitao izay natomboka. Tsy asanao irery anefa izany fa asany, ary:

"Izay nanomboka asa tsara tao anatinareo no hahatanteraka izany" (Filipiana 1:6).
Tsy famitana ny asanao fotsiny ihany izany fa tena famitan'Andriamanitra ny asany amin'ny alalanao. Afantohy amin'i Jesoa ny masonao, ilay "Tompo sy Mpanefa" ny finoantsika (Hebreo 12:2). Izy no nanomboka izany ary Izy ihany koa no hamita izany. Ary tsarovy fa tsy irery ianao. Tsy handao anao na hahafoy anao mihitsy Izy (Hebreo 13:5). Ny teny farany izay nataon'i Jesoa tamin'ny mpianany ao amin'ny filazantsaran'i Matio dia:

"Ary, indro, Izaho momba anareo mandrakariva ambara-pahatongan’ny fahataperan’izao tontolo izao" (Matio 28:20).
Ho enti-mamakafaka sy mandinika
Inona no hevitry ny hoe "Vitao izay natombokao" eo amin'ny fiainanao?
Ny Filipiana 1:6 dia manambara amintsika fa "Izay nanomboka asa tsara tao anatinareo no hahatanteraka izany." Inona no hevitr'izany aminao?
Ny fitarihan-dalana androany dia nanome soso-kevitra anao ho an'ny dingana manaraka. Inona no kasainao hatao manaraka?

Soratra Masina

Kôlôsianina 4:17-18

Filipianina 1:3-6

Hebreo 12:1-2

Andro 14

Mombamomba ity Planina ity

Raha toa ka vaovao amin'i Jesoa ianao, na vaovao amin'ny Baiboly, na manampy namana ohatr'izany - Eto anombohana azy. Mandritra ireo 15 andro manaraka dia hisy torolalana, anatina horonampeona 5 minitra, hitarika anao tsikelikely amin’ireo boky fototra roa ao amin’ny Baiboly: Marka sy Kolosiana. Araho ary ny tantaran’i Jesoa ary fantaro ny fototry ny fanarahana Azy, miaraka amin’ny fanontaniana manitikitika isan’andro ho an’ny fandinian-tena na ny fifanakalozan-kevitra ataon’ny vondrona. Mba hanombohana azy dia araho indray mandeha, avy eo, manasà namana ka ivereno indray!

Te hankasitraka ny Through The Word izahay amin'ny fanomezany ity planina ity. Raha mila fanazavana fanampiny dia tsidiho ny: http://throughtheword.org

Mikasika ny Mpanonta