Atombohy eto | Dingana voalohany miaraka amin'i JesoaSantionany

Andro 14 | Kolosiana 4

Miarahaba anao ry namako. Kolosiana 4 ny anio, dia hiverina amin'ny fototra isika. Didy, tsotra, roa no nampianarin'i Jesoa antsika: tiava an'Andriamanitra amin'izay rehetra anananao ary tiava ny namanao tahaka ny tenanao. Ireo fanalahidy tsotra ireo no mitarika ny dingana rehetra rehefa manara-dia an'i Jesoa isika. 

Ny toko faha-4 dia manomboka amin'ny fiafaran'ny toko faha-3, izay miaraka amin'ny torolalana momba ny fifandraisana. Eto dia ny andevo sy ny tompo. Mila mametraka fanontaniana ianao: manohana ny fanandevozana ve ny Baiboly? Manaiky ny tsy fitoviana sy ny fanavakavaham-bolon-koditra ary ny famoretana ve no hevitr'izany? 

Aleo tonga dia vantaniko. Tsia. Ny Baiboly dia tsymanohana ny fanandevozana, ary na iza na iza mampiasa ny Baiboly hanohanana ny famoretana na havakavahana dia manampatra sy mampiasa amin’ny fomba diso ny teny, izay fahamenarana ho azy. Eto ny Baiboly dia miresaka momba ny andevo sy ny tompo satria zava-nisy tamin'izany fotoana izany ny fanandevozana, ary i Paoly dia nanome toromarika momba ny fiaina amin’ny tena fiainana. Hoy izy tamin'ny andevo: miasà mafy, tahaka ny miasa ho an'Andriamanitra satria izy no tena tompo. 

Ary ao amin'ny toko faha-4:

"Hianareo tompo, ataovy amin'ny mpanomponareo izay marina sy izay mety, satria fantatrareo fa hianareo koa mba manana Tompo any an-danitra."

Eto amin'ity toko ity sy any amin'ny toko hafa ao anatin'ny Baiboly dia ampahatsiarovina ny tompo sy ny andevo fa mitovy daholo izy ireo amin'Andriamanitra, na toy ny ahoana na toy ny ahoana anahavan'ny fiaraha-monina azy. Na izany aza dia tsy maintsy manontany tena ianao hoe nahoana i Paoly no tsy nanafoana ny fanandevozana noho ny didin’Andriamanitra. 

Tena manan-danja izao. Jesoa, tamin'ny fihaviany voalohany dia tsy tonga hanamboatra ny rafitra sy hanitsy ny tontolontsika. Tonga Izy mba hanitsy ny fontsika, sy hanitsy ny fontsika miaraka amin’Andriamanitra. Amin'ny fihaviany faharoa Jesoa no hanoriny ny Fanjakany eo amin'izao tontolo izao, fa tonga aloha Izy hametraka ny Fanjakany ao anatintsika. Voalohany: Mpanjakan'ny fonao. Faharoa: Mpanjakan'izao tontolo izao. 

Mampianatra antsika araka izany i Paoly mba hiaintsika tsara ao anatin'ny tontolo izay mbola ratsy isika. Andevo sy tompo, mpiasa sy mpampiasa dia manao izay marina. Ao aoriana kely i Paly dia nilaza tamin’ny mpanompo mba hahazo ny fahafahany raha azony atao, ary ny taratasiny ho an’i Filemona dia nilaza tamin’ny tompo iray mba hanafaka ny mpanompony sy hiantso azy hoe rahalahy, arty tena fanambarana lehibe izany tamin’izany andro izany. 

Raha mandroso haingana ny tantara diahitantsika fa maro tamin'ireo mahery fo izay niady sy nanao sorona mba hanafoanana ny fanandevozana no nentanin'ny finoany ny Baiboly. Nanova ny fony Andriamanitra ary nanova ny tontolony indray izy ireo avy eo. 

Ao amin'ny Kolosiana, andininy faha-2:

"Mahareta amin'ny fivavahana, ka miambena amin'izany amin'ny fisaorana."

Ary izany dia manome antsika fahazarana vaovao manaraka: ny vavaka.Vakio ny Baibolinao ary mivavaha isan’andro. Averina indray fa tsy voatery, fa tokony atao. Ny vavaka dia mahagaga. Afaka miresaka mivantana amin'Andriamanitra Ilay Mpamorona izao rehetra izao isika. Hoy i Paoly: “Mahareta” amin’izany. Ataovy laharam-pahamehana izany. 

Inona no tokony hoentinao am-bavaka? Ny zava-drehetra. Inona no ilainao, inona no tokony hisaoranao, inona no eritreretinao na mahasahiran-tsaina anao na antenainao. Mivavaha ho an’ny olona. Mivavaha ho ahy! Ilaiko izany. Mivavaha, momba ny zavatra rehetra. 

Saino izao. Ny serasera dia tena ilaina amin'ny lafim-pifandraisana rehetra. Ny resaka no ahafantarantsika ny tenantsika. Ny zava-dehibe amin'ny fiarahan-dia dia ny fotoana hiresahana, hisokafana, hivoarana. Toy izany koa miaraka amin’Andriamanitra. Rehefa manaraka an’i Jesosy isika dia miresaka eny an-dalana. Mahitsy isika ary mizara izay faniriana sy tahotra. Manokatra varavarana isika ary mamela an’i Jesoa hiditra. 

Eritrereto ho toy ny miresaka amin’ny namana tsara ny vavaka. Rehefa tsy salama io dia tsy misy afa-tsy izay ny hahazoanao izay ilainao. Rehefa salama indray io lasa ny fifankahalalana eo amin'ny roa tonta. Ny vavaka dia tsy enti-mody na lahatsoratra natao hahazoana naoty, koa aza manahy ny amin'ny vavaka " tena izy". Aoka ho tsotra sy mahitsy. Manatona ny seza fiandrianan’Andriamanitra amim-panetren-tena sy amim-panajana: Izy no Andriamanitra, sady am-pahatokiana koa Jesoa no nanamarina anao teo anatrehan'Andriamanitra. Ary ny Romana 12 dia milaza fa "mahareta amin'ny vavaka", toy ny antso an-telefaona tsy tapaka. 

Ny Kolosiana sisa rehetra dia firahabana. Tsarovy fa tena taratasy tena ifanaovan'ny olona izy io. Ary nifankatia ireo olona ireo! Koa mifanao veloma izy ireo. Tena tiako amin'ny Baiboly io. Ahy manokana io. Azon’Andriamanitra natao ny nanao sokitra mivantana ny Teny tamin’ny vato, naleo naleony aloha nanoratra izany tamin’ny fon’ny olona tia. Koa dia mamirapiratra amin'ny pejy rehetra izany fitiavana izany. 

Ary mitondra antsika ho amin'ny fahazarana iray hafa indray izany: fiarahana. Mandania fotoana miaraka amin’ny Kristiana hafa. Miaraha mandalina amin'ny fiainana. Tiavo Andriamanitra ary tiavo ny hafa. Mampitandrina antsika ny Hebreo mba tsy hahafoy ny fanangonana ny fianakavianao kristiana dia ny fiangonana. 

Ao amin'ny Baiboly ny teny hoe fiangonana dia tsy tranobe fa ny olona manara-dia an'i Jesoa. Ny fiangonana dia afaka mivory ao amina trano iray, fa raha tsy mifandray araka tokony ho izy isika, dia very ny ivony. Eo am-pamakianao ny toko faha-4, dia jereo tsara ireo anarana, ireo olona liana manokana an'i Jesoa: Marka, Josto, Epafra, Lioka, Nymfa, ary mariho, 

"...ny fiangonana ao an-tranony" (4:15).

Tamin'izany fotoana izany, ny fiangonana dia nivory tao an-trano, toy ny fianakaviana. 

Ireto no fototra: tia an’Andriamanitra sy tia ny hafa. Mba hanaovana izany àry dia mizara mivavaka: mizara mahalala an’Andriamanitra. Dia manomboha mizatra fiarahana: mifankalala amin'ny hafa. Mety manasa olona iray any am-piasana na any am-pianarana ianao mba hiaraka hanaraka ity planina ity aminao, hiresaka ireo fanontaniana natao fifanakalozan-kevitra ary hiara-hivavaka. Fahazarana ara-baiboly izany, fahazarana mivavaka, ary fahazarana miombona. Mahafinaritra e. Tena tsotra izany.

Raha mila fanampiana amin'ny fanombohana ianao dia hijery mahakasika izany isika rahampitso. An’ity anio ity dia vakio ny Kolosiana 4, ary ataovy tsotra izany: tiava an’Andriamanitra ary mifankatiava. 

Ho enti-misaintsaina sy mandinika 

• Nahoana araka ny eritreritrao no ilaina ny vavaka, amin’ny fanarahana an’i Jesoa? Inona no fiantraikan’ny vavaka amin’ny fiarahanao amin’Andriamanitra?
• Nahoana araka ny eritreritrao no ilaina ny fiarahana, amin’ny fanarahana an’i Jesoa? Inona no fiantraikan’ny fiarahana amin’ny Kristiana hafa eo amin’ny fiarahanao amin’Andriamanitra?