Любіць як ІсусУзор

Любіць зламаных

Я выгадаваўся ў праблемнай сям'і. Наркотыкі, алькаголь і фізычны гвалт былі звычайнаю справаю. Неўзабаве і я падхапіў дрэнныя звычкі, што бачыў навокал штодня. Я пачаў піць і ўжываць ды прадаваць скрадзеныя ў айчыма наркотыкі. Памятаю, як аднае раніцы я ішоў дахаты а сёмай гадзіне, каб падрыхтавацца да школы пасьля цэлае ночы п'янства і ўжываньня наркотыкаў. Я паглядзеўся ў люстэрка і адчуў незадавальненьне асобаю, што ўтаропілася ў мяне зь яго. Я стаў чалавекам, якога я гэтак доўга ненавідзеў, - чалавека, якім я паабяцаў быў сабе, што ніколі ня стану. Я хуценька апраўдаўся і пераканаў сам сябе, што тое мне было проста наканавана. "Гэта ўсё, што табе можа прапанаваць вёска, - я сказаў сам сабе. - Чым яшчэ тут можна займацца?"

Увесь гэты час мая бабуля безупынна запрашала мяне ў царкву. Час ад часу я пагаджаўся ісьці і стараўся быць ня вельмі п'яным і ня надта адрывацца папярэдняю ноччу. Як я ўжо сказаў, я жыў у вёсцы. Калі ты некалі жыў у вёсцы, дык ведаеш, што звычайна ўсе ведаюць, што ты будзеш рабіць яшчэ да таго, як ты пачнеш тое рабіць. Бабуля ведала, што я меў алькагольную залежнасьць і малілася, каб Бог паказаў мне Сваю любоў і пляны, што Ён меў дзеля мяне. Яны былі нашмат лепей за тое, на што я мог спадзявацца або аб чым мог марыць.

Жыцьцё дома ўсё пагаршалася і пагаршалася, і гвалт перайшоў з умеркаванага ў скрайні. Думаючы пра мінулае, я не магу не дзівіцца, як цудоўна Бог усё падрыхтаваў. Бабуліна любоў да мяне і ейная здольнасьць не зважаць на мае мінулыя памылкі прывяла мяне да сям'і, якая прыняла мяне за свайго. Яны рызыкнулі ўзяць праблемнага падлетка. Празь іхнюю любоў і прыманьне я ўбачыў Божую любоў да мяне. Праз тую любоў я цяпер зусім іншы чалавек. Чалавек, які мае цудоўную жонку і дзяцей, якія гадуюцца ў любові, пра якую я раней нічога ня ведаў. Я здабыў усё гэта, бо некалькі людзей абралі любіць мяне так, як любіць Ісус.

Дэні Д'юрэн
з царквы Life.Church у Оўэрлэнд Парк