РЫМЛЯНАЎ 8:35-39

Хто адлучыць нас ад любові Божай: скруха, ці ўціск, ці ганеньне, ці голад, ці галеча, ці небясьпека, ці меч? як напісана: «за Цябе забіваюць нас кожнага дня; лічаць нас за авечак, на зарэз асуджаных». Але ўсё гэта пераадольваем сілаю Таго, Хто палюбіў нас. Бо я ўпэўнены, што ні сьмерць, ні жыцьцё, ні анёлы, ні Пачаткі, ні Сілы, ні сёньняшняе, ні будучае, ні вышыня, ні глыбіня, ні іншае якое стварэньне ня можа адлучыць нас ад любові Божай у Хрысьце Ісусе, Госпадзе нашым.