Любіць як ІсусУзор

Адно цела, шмат членаў

Я толькі што скончыла тэлефонную размову з маімі бацькамі, якія расказалі мне неспадзяваную навіну - мой брат скончыў жыцьцё самагубствам. Я ня ведала, што рабіць, бо ён заўсёды быў маім найлепшым сябрам. Калі нешта здаралася - добрае або благое ,- я тэлефанавала яму найперш.

На шчасьце, у мяне была супольнасьць людзей, зь якімі я ішла па жыцьці разам. Я патэлефанавала лідэру маёй малой групы і праз гадзіну чатыры сябры прыйшлі да мяне ў хату, каб пабыць са мной. У наступныя тыдні і месяцы здарылася нешта неверагоднае. Некаторыя прыходзілі да мяне ў госьці і дазвалялі мне плакаць. Іншыя запрашалі мяне гуляць і дапамагалі мне сьмяяцца. Некаторыя прыносілі мне ежу. Іншыя ахвяравалі грошы ў гонар майго брата. Некаторыя ехалі доўгія гадзіны, каб паўдзельнічаць у служэньні ў памяць аб ім і падтрымаць мяне. Іншыя нават упрыгожылі маю хату на Раство, калі я вярнулася зь цяжкай вандроўкі. Кожны сябра зрабіў тое, да чаго Бог даў яму здольнасьць, каб дапамагчы мне.

1 Карынцянаў 12 вучыць, што ёсьць адно цела і многа членаў. Бог даў кожнаму з нас асаблівыя здольнасьці і таленты, каб мы іх выкарыстоўвалі дзеля служэньня іншым. Я назаўжды ўдзячная маім сябрам, якія выкарысталі тое, што яны мелі, дзеля таго, каб паслужыць мне ў час смутку. Сёньня я хачу нагадаць табе, што ў цябе ёсьць усё патрэбнае дзеля таго, каб служыць іншым і любіць іх як Ісус тады, калі ім найбольш патрэбна дапамога.

Аманда Дэйвіс
з царквы Life.Church у Тульсе