Любіць як ІсусУзор

Ты зрабіў тое дзеля Мяне

Адным халодным лютаўскім вечарам мы прыехалі ў наш раён. На ходніку сядзела маладая дзяўчына і гістэрычна плакала. На ёй была толькі цішотка і шорты. Калі мы спыніліся, я выйшла з машыны і накіравалася да дзяўчыны: "Ці я магу нечым дапамагчы табе?"

Яна прамармытала: "Ён выгнаў мяне. Я цяжарная, і мой хлопец выгнаў мяне."

Пакуль я думала, што сказаць, мне ў галаву прыйшла такая думка: яна чалавек; нагадай ёй пра годнасьць. Дык я спыталася: "Як цябе завуць?"

"Брытні."

Я адказала: "Прыемна пазнаёміцца, Брытні. Можа, цябе падвезьці туды, куды ты сабралася ісьці?"

"Так, мая бабуля жыве блізка." - сказала яна.

Мы падышлі да машыны і мой муж перасеў на задняе крэсла разам з нашымі двума дзецьмі - яны абодва сядзелі з шырока адкрытымі вачыма і ратамі. Я хуценька прадставіла Брытні маёй сям'і, быццам бы я знала яе гадамі.

"Брытні, ці я магу даць табе адзеньне? Я зьбегаю ў хату і вынесу табе нешта."

"Так, мне вельмі холадна."

Я прыпаркавала машыну і зайшла ў хату. На маё зьдзіўленьне, Брытні пайшла за мной. Я ўзяла швэдар, нагавіцы і шлёпанцы. Я дала іх ёй і яна пайшла пераапранацца ў ванны пакой.

Потым мы адвезьлі яе да ейнае бабулі. Па дарозе дадому дзеці спыталіся, што здарылася, і я проста сказала: "Думаю, што гэта тое, што Ісус хацеў, каб мы зрабілі." Яны пагадзіліся і мы больш не гаварылі пра тое.

Але наступнага ранку, калі я чытала штодзённае пасьвячэньне, гэтыя словы проста выскачылі на мяне са старонцы: "Я быў голы, і вы апранулі Мяне." Маё сэрца забілася хутчэй, і я прыгадала падзеі мінулае ночы.

Магчымасьці любіць як Ісус могуць трапляцца ў любы час, у любым месцы. Мы можам любіць незнаёмага на вуліцы як Ісус, нават не прыгадаўшы Ягонага імя. Спадзяюся, што калі Брытні пазнаёміцца з Ісусам, то яна зразумее, што яна сустрэла Яго па дарозе да бабулінай хаты тым халодным лютаўскім вечарам.

Таша Салінас з царквы
Life.Church у Мідуэст Сіці