Любіць як ІсусУзор

Як Хрыстос любіць Царкву

Яшчэ з маленства я марыла пра маё вясельле - ад торту да сукенцы і нават мужчыны, за якога выйду замуж. Калі ты ўяўляеш сабе, якім цудоўным будзе твой дзень, ты ніколі ня думаеш пра выпрабаваньні, якія могуць прыйсьці пасьля.

Да таго, як я нарадзілася, у маёй маці дыягназавалі цяжкі выпадак артрыту. Кожны дзень быў для яе выпрабаваньнем. Мой бацька абраў любіць і служыць ёй штодня. Часам тое выглядала так проста, як прыгатаваць сьняданак або дапамагчы завязаць матузкі на чаравіках. Незалежна ад заданьня, бацька любіў маці. Прайшло шмат гадоў, і калі ў маці зьявіўся лімфагранулёматоз, то я ўбачыла, як мой бацька пачаў служыць маёй маці па-іншаму. Ён цэлымі днямі любіў, служыў і маліўся за яе. Я ніколі раней ня бачыла майго бацьку гэтакім стомленым фізычна і духоўна. Але тое было ягоным забавязаньнем як Хрысту, так і маёй маці.

Калі мой муж і я пабраліся шлюбам, перад намі раптам сталі вельмі цяжкія выпрабаваньні. Тое, што раней прыносіла нам радасьць, цяпер прыносіла боль і сьлёзы. Штораз я засынала, плачучы. Боль, недахоп блізкасьці, адчуваньне, што я была няўдалай жонкай, - усё гэта ўбівала паміж намі клін.

Гэтыя цяжкія дні ператварыліся ў гады, і мы абодва думалі, што яны ніколі ня скончацца. Але мой муж быў за мяне. Ён прыняў рашэньне не крыўдаваць і абраў любіць мяне такой, як я была. Ён любіў мяне праз боль і сьлёзы. І ён дагэтуль любіць мяне. Кажуць, што жанчыны шукаюць у мужчынах характарыстыкі, якія мелі іхнія таты. Сёньня я ўдзячная за тое, што маю мужа, які любіць як мой бацька і як Ісус.

Шэлі Мартын
з каманды ІТ царквы Life.Church