Любіць як ІсусУзор

Сяброўства

Аднойчы ў мяне зьявілася новая калега, якой вельмі хацелася сябраваць са мной. Замест таго, каб прыняць яе ў нашую каманду, я ставілася да яе ня вельмі ветліва. Шчыра кажучы, былі такія моманты, калі я паводзіла сябе даволі нізка. Часам мы спаткаліся, але толькі тады, калі мне было зручна.

Празь некалькі месяцаў майму бацьку паставілі дыягназ - рак. У хуткім часе я апынулася ў шпіталі, каб пабыць зь ім у ягоныя апошнія дні жыцьця. Асоба, пра якую я зусім ня дбала, ня толькі малілася за мяне. Яна тэлефанавала мне штовечар і гутарыла са мною, пакуль я не засынала. Яна прыгатавала мне маю ўлюбёную страву перад тым, як я села ў самалёт. Яна ўгаварыла іншых калегаў сабраць і адаслаць мне пакунак. Калі я вярнулася на працу, то яна была даступная, калі мне было неабходна пагаварыць або паплакаць.

Яна была маёю сяброўкаю ўжо тады, калі я нават ня ведала, што мне была патрэбна сяброўка. Яна дбала пра мяне тады, калі я пра яе ня дбала. Яна любіла мяне тады, калі мяне было цяжка любіць.

Я думала, што ведала, што такое безумоўная любоў. Я думала, што разумела, як Ісус любіць нас. Але выявілася, што я ўсё разумела няправільна. Ня ведаю чаму, але я думала, што, каб заслужыць безумоўную любоў, мы мусім нешта зрабіць. Што мы пачынаем любіць людзей пры нейкіх умовах, і калі ўсё ідзе добра, то нарэшце любоў становіцца безумоўнаю. Але ж Бог любіць нас па-іншаму. Ён памёр за нас, калі мы яшчэ былі грэшнікамі. Ісус лічыць мяне вартай любові нават тады, калі я яе не заслугоўваю. Ён палюбіў мяне безумоўна ад самога пачатку, і Ён заклікае нас любіць іншых гэтак сама.

Тая сяброўка любіць мяне так, як любіць Ісус. Я таксама хачу любіць так.

Сэм Сімала
з царквы Life.Church у Ўычыта