Любіць як ІсусУзор

Ісус паўсюль

Адным цёплым вясновым вечарам нашая сям'я пайшла глядзець футбольны матч у мясцовы ўнівэрсытэт. Маёй дачцэ было пяць гадоў, і як толькі мы прыехалі, яна заўважыла малога хлопчыка, які гуляў адзін. Яна ня ведала яго. Ён не гаварыў па-ангельску і ня быў падобны да яе, але тое не перашкодзіла ёй усьміхнуцца яму і далучыцца да ягонае гульні. Яны прабылі разам увесь вечар, сьмеючыся і гуляючы, і калі скончыўся матч, яны селі на траву, цяжка дыхаючы ад стомы.

У той час, як яны гулялі, мой муж і я знайшлі хлопчыкавых бацькоў і пазнаёміліся зь імі. Так пачалося цудоўнае сяброўства з гэтай мілай сям'ёй з чужой краіны, культуры і веры. Тое сяброўства дазволіла нам запрасіць іх у нашае жыцьцё і глыбока паўплывала на нас. Яно дало нам магчымасьць падзяліцца Божаю любоўю практычнымі і асабістымі спосабамі, і дагэтуль зьяўляецца важнаю часткаю жыцьця нашае сям'і. Яно прымусіла нас выйсьці з нашае зоны камфорту і дапамагло нам стаць лепшымі людзьмі.

Усё тое пачалося, бо нашая дачка палюбіла таго малога хлопчыка як Ісус. Ісус не ўзірае на аблічча. Ён прымае нас такімі, якімі мы ёсьць, незалежна ад нацыянальнасьці, і Ён прымае ўдзел у нашым жыцьці, калі мы дазваляем Яму тое.

Прыгадай апошні раз, як ты размаўляў з чалавекам, адрозным ад цябе. Калі тое было вельмі даўно, дык папрасі Бога паказаць табе наступную магчымасьць зрабіць тое. І калі Ён пакажа яе, будзь гатовы рэагаваць. Магчыма, тое зьменіць тваё жыцьцё.

Аманда Сімз
з анлайн-царквы Life.Church