Любіць як ІсусУзор

Любіць тых, каго цяжка любіць

Паводле царкоўных нормаў, я рабіла ўсё правільна. Я "любіла грэшніка, ненавідзела грэх", пакуль аднаго дня мне не давялося прымяніць гэтае клішэ на практыцы. Маё жыцьцё ператварылася ў поўны хаос праз балючую здраду. Я мусіла зрабіць выбар: кінуць тыя адносіны або працягваць любіць чалавека, які, здавалася, ня дбаў пра боль, які я адчувала, і ня меў пакутаў сумленьня або жаданьня выправіць сытуацыю.

Я вельмі прасіла ў Бога мудрасьці. Што рабіць? Тады Бог паказаў мне нешта - сэрца таго, хто мне здрадзіў. Як кажуць, пакрыўджаныя людзі крыўдзяць іншых людзей. Гэтаму чалавеку было вельмі цяжка. І на жаль, ён ня бачыў іншага выйсьця і пакрыўдзіў мяне.

Нешта дзіўнае адбываецца з намі, калі мы пачынаем засяроджвацца на сэрцах іншых людзей, а не на іхных паводзінах. Мы становімся спагадлівымі - як Ісус. Мы перастаем дбаць пра саміх сябе і пра тое, як нас пакрыўдзілі. Замест таго, мы пачынаем бачыць спосабы любіць іншых празь іхні боль.

Думаю, што менавіта гэта Ісус меў на ўвазе ў Казані на гары. Лёгка любіць людзей, якія ня робяць нам нічога дрэннага. Нават тыя, хто ня вераць у Бога, робяць тое. Хутчэй за ўсё, ім ня вельмі патрэбна любоў. Насамрэч, любоў больш патрэбна калегу-паклёпніку, хлусьліваму сужэнцу, непаслухмянаму падлетку і няветліваму афіцыянту, што абслужыў нас падчас абеду. Калі ты пачнеш любіць як Ісус, тваё жыцьцё абавязкова зьменіцца. Любі, памятаючы пра існаваньне вечнасьці. Гэта рызыка, але на яе варта пайсьці!

Шэнан Морысан з царквы
Life.Church у Саўс Аклагома Сіці