Aanbidding: 'n Studie in PsalmsVoorbeeld

Wat staan daar geskrywe?

Dawid prys God vir sy liefde en getrouheid en smeek Hom vir hulp en roep uit tot God om wraak te neem op sy vyande.

Wat beteken dit?

Dawid begin elkeen van hierdie psalms met lofprysing wat hom herinner tot wie hy bid. Hy stort sy hart voor God uit met verontwaardiging oor sy vyande wat hom en God se mense sonder rede aanval. Dawid wonder hoekom God skynbaar sy antwoord op wat aan die gang is versuim. Sommige geleerdes dink dat die Ou Testamentiese heiliges nie bewus was van 'n oordeelsdag nie, en God dus gevra het om sy volle oordeel dadelik te fel. Op die ou end het Dawid nie self wraak geneem nie, maar vir God gevra om te help, met die wete dat menslike krag alleen nie genoeg sou wees nie.

Hoe behoort ek te reageer?

Ervaar jy teenstand sonder dat dit jou fout is? Jou omstandighede is nie oorweldigend vir God nie. Jy is nie alleen in die konflik nie. Al verander die situasie nie dadelik nie, of al blyk dit dat God stil is, onthou dat Hy sien, weet en omgee. Bid, sê vir Hom presies hoe jy voel en wag vir Hom om namens jou op te tree. Sal jy vandag op jou eie krag staatmaak om jou deur te dra of God s'n? In plaas daarvan om op die probleem te konsentreer, vertrou en prys die Een wat die oplossing het – die Here Jesus Christus.