Aanbidding: 'n Studie in PsalmsVoorbeeld

Wat staan daar geskrywe?

Asaf verklaar God se grootheid. Hy het Israel van hulle vyande gered. Asaf onthou die Here se dade en vra God om weer genadig te wees teenoor Israel.

Wat beteken dit?

Asaf het tot God gebid in goeie en slegte tye en Hom geprys vir sy dade en karakter. In Psalm 76 vier Asaf God se grootheid nadat die vyand se weermag verslaan is. Dit was heel moontlik die oorwinning oor die Assiriërs toe nie 'n enkele Israeliet 'n swaard hoef op te geneem het nie (2 Kronieke 32:16-23). In Psalm 77 voel Asaf dat die Here hulle totaal en al vergeet het. Tydens 'n slapelose nag het hy sy gedagtes op God se vorige redding gerig. Hy het sy gedagtes van die huidige dilemma af geneem en op die grootheid van God gekonsentreer, wat vir hom vertroosting gebring het. Sy omstandighede het verander, maar nie sy God nie.

Hoe behoort ek te reageer?

Vandag se psalms reflekteer die realiteit van die lewe — almal ervaar hoogtepunte en laagtepunte. Die lewe sal soos 'n tuimeltrein voel as jou uitkyk aan jou emosies gekoppel is. Wanneer alles om jou in 'n warboel is, bly Jesus die onveranderende, onbewegende anker vir jou siel. Ervaar jy tans goeie tye en kalm dae? Bid dan en prys die Here. Gaan jy deur donker tye en slapelose nagte? Bid dan en laat toe dat God se teenwoordigheid en vorige voorsiening jou hart en gedagtes kalmeer. Hy het voorheen vir jou voorsien en Hy kan dit weer doen. Prys die Here!