Aanbidding: 'n Studie in PsalmsVoorbeeld

Wat staan daar geskrywe?

Dawid roep uit na God om reg te laat geskied in sy ouderdom en hom te beskerm.

Wat beteken dit?

Regdeur Dawid se gebed in hierdie gedeelte, is die onderliggende verwagting dat God hom sou antwoord en van sy probleme verlos. Dawid se vertroue dat God regverdig sou optree om hom te beskerm en te red, kom vanweë 'n lewenslange wandel met God. Hy het in sy jeugjare geleer om die Here te vertrou, God se getrouheid regdeur sy lewe ervaar en God as sy verdediger verklaar op sy oudag. God se karakter is oor en oor as betroubaar bewys. Dawid het op God vertrou vir bevryding en was seker dat Hy nie sou misluk nie.

Hoe behoort ek te reageer?

Jy leef waarskynlik al lank genoeg om te weet dat die lewe uit oorwinnings en probleme bestaan. As jy Jesus van 'n jong ouderdom af gevolg het, dink aan tye toe Hy jou tot hulp gekom het. As jy Hom eers later in jou lewe leer ken het, leer jy dalk nou eers dat God betroubaar is in enige omstandigheid. Dit maak nie saak in watter tydperk van jou lewe jy nou is nie, jy sal vertroue in God se karakter kry as jy 'n gewoonte ontwikkel om afhanklik van God te wees as dinge nie verloop soos jy beplan het nie. Wat staar jy vandag in die gesig — probleme of oorwinning? God is getrou en jy kan op Hom vertrou. Sal jy jou getroue hemelse Vader met vandag se probleme vertrou?