Aanbidding: 'n Studie in PsalmsVoorbeeld

Wat staan daar geskrywe?

Dawid vra vir God om hom te red van sy vyande se aanhoudende aanvalle en beledigings.

Wat beteken dit?

Dis nie duidelik wanneer Dawid hierdie psalm geskryf het nie, maar sy nood destyds was so groot dat hy gevoel het of hy verdrink. Hy moes vyande in die gesig staar wat hom vir geen ooglopende rede gehaat het. Dawid het na God toe gegaan vir hulp. Sy gebed beskryf in groot besonderhede die pyn wat hy gevoel het, maar toe hy God aanroep om reg te laat geskied en te verdedig, het 'n interessante ding gebeur — hy het die versekering gevind dat God in beheer was. Daardie besef het met nederigheid deur hom gespoel in die teenwoordigheid van God se gesag. Op daardie tydstip het Dawid se pyngebed 'n lofprysing geword. Sy hulp sou van die Here kom, wat sy beloftes nakom.

Hoe behoort ek te reageer?

Baie mense roep God aan in die donkerste tye van hul lewens. Ons bid in groot besonderhede oor ons probleme en vertel vir God presies wat Hy moet doen. Te dikwels hou ons egter op met bid voordat ons die plek van nederigheid bereik wat in vandag se psalm bereik het. Om met nederigheid te bid vereis dat ons erken dat God beter weet hoe om ons omstandighede te hanteer as ons. Ons moet beheer prysgee. Voordat jy bid is God alreeds ten volle bewus van jou situasie. Wanneer jy egter 'n nederige houding voor die Here inneem, gebeur iets kragtig — persoonlike pyn kan 'n rede word om God te prys. Net God kan reg laat geskied en jou vertroos. Sal jy in nederigheid God se gesag oor jou lewe erken en Hom vertrou, selfs in die moeilikste omstandighede?