Ìmọ̀lára Mímọ́ - Èsì Látinú Bíbélì sí Ìpèníjà GbogboÀpẹrẹ

Ọ̀kan lára àwọn iṣẹ́-ṣíṣe ojoojúmọ́ tí oó k'ópa nínú rẹ̀ ni yíyàn láti lò àsìkò nínú ìjọsìn. Ó ṣe pàtàkì kí o ní òye pé àsìkò tí a bá lò nínú ìjọsìn yíó ró ọ l'ágbára láti d'ojúkọ ìjì ayé. Jíjọ́sìn fún Olúwa l'ójoojúmọ́ bí o ṣe ńb'omi sára n'ílé ìwẹ̀, wa ọkọ̀ lọ, tàbí nígbàtí o bá fẹ́ rìn ìrìn afẹ́, yíó fún ọ ní ìwòye ọ̀run l'órí sàkání ayé rẹ. Kíkọ orin nígbàtí o bá ńsisẹ́ ilé yíó ṣe k'óríyá fún ọ yíó sì fi ayọ̀ sí ọ̀kan rẹ. Ǹjẹ́ o jẹ́ ọ̀kan nínú àwọn Krìsríénì tí ebi ẹ̀mí ńpa tí o jẹ pé Ọjọ́ Ìsinmi nìkan ni won màá ńk'ọrin ìjọ́sìn? Ohun tí ó dára jù nínú àyè ni ò ńpàdánú yìí! Wòó, gbà mí gbọ́ - o kò ní fẹ́ pàdánù ayọ̀ tó wà nínú f'ífọ eérú ayé rẹ dànù, mímú ọ̀fọ̀ kúrò àti gbígbé ẹ̀wù ìyìn tí Jésù pésè fún ọ wọ̀. Pàṣípààrọ̀ tó ga jùlọ nínú àkọsílẹ̀ ìtàn nìyìí: kó gbogbo ìnira àti ẹ̀dún ọkàn rẹ fún Un, Yíò sì fún ọ ní ẹ̀wù ìyìn!