Ìmọ̀lára Mímọ́ - Èsì Látinú Bíbélì sí Ìpèníjà GbogboÀpẹrẹ

Tí ìpòǹgbẹ rẹ bá jẹ́ pé kí o ní ẹ̀mí tó l'ágbára, o ní láti fún ẹ̀mí rẹ ní oúnjẹ tó d'ọ́ṣọ́ tó sì ṣe ara lóore. O ní láti ka Bíbélì rẹ l'ójoojúmọ́ láti mú kí okun ẹ̀mí rẹ le kí o sì lè ní àníkún ìdúróṣinṣin nínú ẹ̀mí. A ńka Bíbélì kìí ṣe fún ìròyìn lásán ṣùgbọ́n fún ìyípadà àti agbára ìyanu tí a rí nínú Ọ̀rọ̀ náà tó jẹ́ ohun aṣaralóore àrà-ọ̀tọ̀ tí ó ń fi ìdí ìlera ẹ̀mí wa múlẹ ní ọjọ kọọkan ayé wa.

Ọ̀pọ̀lọpọ̀ ènìyàn ló maá ńwá àwáwí fún ìdí rẹ̀ tí wọn kò fi lè ka Bíbélì l'ójoojúmọ́. Àkọ́kọ́ nínú àwáwí náà ni pé, "Kòyé mi. Ó kàn dàbí ọ̀rọ̀ ojú ìwé lásán sí mi ni." Jẹ́ kíngbà ọ́ ní ìyànjú lónìí pé bí ètíbá jẹ́ àwáwí rẹ: tẹ̀síwájú láti máa kàá! Ọlọ́run yíó bá ọ pàdé níbẹ̀ bóyá ọkàn rẹ gba Òtítọ́ ayérayé tí a rí nínú Ọ̀rọ̀ náà àbí kò gbàá. Kódà bí ọkàn rẹ kò bá 'gba mú" ... ẹ̀mí rẹ ńfàá sínú!

Ohun tí ó yẹ kí o yàn ni láti máa fún ẹ̀mí rẹ ní ohun aṣaralóore tí yíò jẹ́ kí ó l'ágbára tí yíó sì sanra kódà nígbàtí ọkàn rẹ bá ṣáko. Kíka Bíbélì rẹ lóòrèkóòrè ni àkọ́kọ́ nínú ìwà tí o ní láti kọ́ nípa t'ẹ̀mí kí o baà lè jẹ́ ẹni tí ó lera tí ó sì jáfáfá nínú èrò ara.