Banal na mga Damdamin - Maka-Bibliang Tugon sa Bawat PaghamonHalimbawa

Kapag tayo ay magkakasama, Siya ay kasama natin. Kung nais mong magkaroon ng panahong kasama ang Diyos, subukan mong gumugol ng isang gabi kasama ang grupo ng mga taong nagmamahal sa Kanya. Kapag ang pakiramdam mo ay nag-iisa ka, anyayahan mo ang ilang mga taong nagnanais na manalangin at hulaan mo kung Sino pa ang papasok sa iyong pintuan?

Ang Diyos ay nananahan kung saan ang pagpupuri ay ganap at malakas. Kung nais mong gawin Niyang totoo Siya sa iyo at magpakilala Siya sa iyo, kailangang gugulin mo ang buhay mo sa pagsamba sa Kanya. Nagpapakita ang Diyos sa lalaki o babaeng maka-Diyos na sumasalungat sa mga pangyayari at kalagayan na may pusong nag-uumapaw sa dalisay na pagsamba. Kung haharapin mo ang kalungkutan, magpatugtog ka ng mga musikang pagsamba at itaas ang iyong mga kamay sapagkat naroon Siya! Hindi ka nag-iisa. Umawit nang malakas at umawit nang makapangyarihan! Siya ay nariyan! Hindi ka nag-iisa. Umawit ka habang nasa sasakyan at habang naliligo at makakasama mo Siya. Sa tuwing sinasadya mong piliin ang pagsamba, inilalagay mo ang sarili mo sa Kanyang presensya. Hindi ka nag-iisa. Kahit kailan.

Kung ako ay manggagamot, at parang ito nga ako ... ako ay isang manggagamot ng kaluluwa, kaya't hayaan mong bigyan kita ng reseta para sa kalungkutan. Magbigay ka sa isang tao tatlong beses man lang sa isang araw. Ang iyong kalungkutan ay malulunasan kapag mas nababahala ka sa pangangailangan ng ibang tao kaysa sa buhay mong nag-iisa. Ngumiti ka sa isang tao sa loob ng isang pamilihan. Sulatan mo ang kaibigan mo noon sa kolehiyo at makipag-ugnayang muli sa kanya. Huwag magsawalang-kibo at tumigil na lamang sa bahay at manood ng telebisyon, sapagkat malalaman mong ang pagbibigay ay laging gamot sa kalungkutan.