Isang Kidlat na KagalakanHalimbawa

Kapag tinanggap mo si Jesus sa puso mo bilang Panginoon at Tagapagligtas, isang bagong mundo ng hindi mo pa nararanasang kagalakan ang bubukas sa iyo! Alam ng Diyos na ang buhay sa mundo ay hindi perpekto at mararanasan natin ang dalamhati, pighati at pagkabigo habang tayo'y nabubuhay. Upang malabanan ang mga araw ng lubhang kalungkutan, ipinagkaloob Niya ang kagalakan upang hindi tayo mabuwal ng mga sitwasyon na kakaharapin dito sa mundo. Ang kagalakan ay patikim ng langit na ibinibigay sa atin na nakakakilala kay Jesus bilang Panginoon at Tagapagligtas. Ang kagalakan ay ang kakayanang maranasan ng payak na tao ang mga biyaya na tinatamasa ng Panginoon sa Kanyang pagka-Diyos.

Ang kagalakan ay isang matibay na pagkakakilanlan na resulta ng malalim na relasyon sa Hari ng lahat ng Hari.

Kapag kusa mong pinili na makiisa kay Jesus at magpasakop sa Kanyang Pagkapanginoon at kapangyarihan, pinipili mo ring tanggapin ang kagalakan sa buhay mo. Ang kagalakan ay hindi nakasalalay sa laki ng kinikita mo, sa sigla ng mga relasyon mo o kung saan ka nakatira subalit ito ay nakasalalay sa pagpili mo sa KANYA sa kabila ng lahat ng mga paghihirap ng buhay. Kapag pinili mong ibigay ang buhay mo kay Jesu-Cristo, pinipili ka na rin para sa kagalakan!